“Дывэрсантаў у палон не бяруць, гэтыя групы зьнішчаюцца на мес | Цыганкоў

“Дывэрсантаў у палон не бяруць, гэтыя групы зьнішчаюцца на месцы”

Неяк гэта асабліва шырока не гучала ў прэсе, але з тэрыторыі Беларусі даволі часта ва Ўкраіну спрабуцю зайсьці розныя дывэрсійныя групы. Што зь імі здараецца, і ці ёсць там беларусы – на гэтае маё пытаньне адказаў украінскі ваенны экспэрт Сяргей Грабскі

“Ведаеце, дывэрсантаў у палон не бяруць, гэтыя групы зьнішчаюцца на месцы. Даволі незвычайную дывэрсійную групу зьнішчылі літаральна тыдзень таму — незвычайную тым, што мела каля 30 чалавек, гэта вельмі шмат. Вельмі цяжка вызначыць нацыянальную прыналежнасьць удзельнікаў такіх групаў, бо ў іх уваходзяць нават людзі, якія дастаткова добра ведаюць украінскую мову.

Таму нельга адназначна сьцьвярджаць, ці ёсьць там беларусы. І я б ня стаў выключаць наяўнасьць беларускіх грамадзян у гэтых групах. Была інфармацыя, што злучэньні беларускіх Сілаў спэцыяльных апэрацыяў (а ССА — гэта аснова такіх дывэрсійных групаў) перакінутыя ў Берасьцейскую і Гомельскую вобласьць, што ўскосна можа сьведчыць, што ў складзе дывэрсійных групаў, якія спрабуюць пранікнуць на тэрыторыю Ўкраіны, могуць быць і беларускія вайскоўцы”.

Сяргей Грабскі, вайсковы экспэрт, палкоўнік запасу, былы супрацоўнік Міністэрства абароны Ўкраіны, удзельнік міратворчых апэрацый у Косаве і Іраку, расказвае, ці чакае Ўкраіна агрэсіі з тэрыторыі Беларусі.

Сяргей Грабскі ў інтэрвію Свабодзе таксама паведамляе, што ўдзельнікаў дывэрсійных групаў украінцы не бяруць у палон, і адказвае на папулярнае пытаньне, калі ж нарэшце адбудзецца кардынальны пералом на расейска-ўкраінскім фронце

https://d2r0s1pmhg5xrd.cloudfront.net/a/31964958.html