SAY.BY

2022-03-02 18:34:55 Шукаем на працу беларускамоўнага барысту, кавярня "Лава Кавы" ў цэнтры горада Менска, Кірава 1

Мы любім каву і мову! Калі Вы таксама – мы чакаем Вас. Мы варым найсмачнейшую каву з 100% Арабікі (Бразілія і Эфіопія), кававыя напоі, гарбату, смузі.

Пажадана пацверджанне валодання беларускай мовай mova.pro для Кавярняў.

Усе падрабязнасці па тэлефоне +375 29 6176039 Адкрыць / каментаваць

2022-02-21 14:10:23 Mova.pro! Вітайце, пампуйце!

Тысячы людзей паўдзельнічалі ў ягоным стварэнні! Ці выкарыстоўваецца і ваш голас у распазнаванні беларускага маўлення — ключавой тэхналогіі праекта? Ці, можа, вашым голасам гучаць заданні «Мовы прафесіі»? Альбо гэта вы складалі новую сферу ці праграмавалі, правяралі бэта-версію?

Хіба гэта не цудоўна?

Роўна год таму мы абвясцілі пра пачатак распрацоўкі. Тады мы яшчэ не ведалі ў што гэта выльецца, што мы будзем актываваць беларускую мову ў Common Voice, запускаць donar.by, якім чынам будуць выглядаць заданні і хто такія “донары беларускай мовы”.

І мы не можам вас пакінуць без падарункаў! Напрыканцы кожнага сертыфікацыйнага курса ў Дзень роднай мовы вас чакае сюрпрыз!

Для першых 80 чалавек падарунак —- кава ў беларускіх кавярнях, дзе гучыць родная мова: Над Нямігай, Апостраф кава, Лава Кавы, Лаўндж бар "СЛЭШ".

Абсалютна для ўсіх сфер і без абмежаванняў па колькасці людзей — зніжка 50% у Дзень роднай мовы на хот-догі ад А-100! Адкрыць / каментаваць

2022-02-18 12:48:56 Хутка дзень Роднай мовы, да якога актыўна рыхтуецца і рэстаран Кухмістр.

Інтэрактыўнае шоу "Смак Роднай Мовы" ад Вясёлага Шляхцюка (харызматычнага беларускага аніматара і вядучага Васіля Грыбоўскага) — 21 лютага ў рэстаране "Кухмістр". Шоу з удзелам адмыслова запрошанага эксперта, гісторыка беларускай кухні Алеся Белага, аўтара кніг «Белорусская кухня: Гастрономический путеводитель», «Сакатала Бочачка», «Belarusian Cookbook» і многіх іншых.

У максімальна вясёлай і нязмушанай форме вы зможаце:

Ад душы павесяліцца з жартаў і досціпаў Вясёлага Шляхцюка!
Паўдзельнічаць у віктарыне на веданне назваў беларускіх страў, іх гісторыі і сімвалізму. У якасці прызоў будуць фірмовыя сувеніры рэстарана!
Паслухаць прэзентацыю страў і напояў нашага меню ад "зорных" эксперта і вядучага. Усё, што Вы даўно хацелі ведаць пра беларускую кухню, але баяліся спытацца

21.02, рэстаран "Кухмістр", вул. К. Маркса, 40. Пачатак а 19-30. Браніраванне і даведкі - +27529 119 4900 Адкрыць / каментаваць

2022-02-07 12:17:33 Беларускае абслугоўванне кавамашын Infocoffee.

Калі ёсць беларускія кавярні, дзе размаўляюць па-беларуску, то мусіць быць і абслугоўванне кавамашын, дзе ведаюць родную мову. Тут абслужаць ды адрамантуюць кавамашыны ўсіх відаў: хатнія, офісныя, барныя. Для ўсіх марак дыягностыка бясплатная.

Звяртайцеся па-беларуску, атрымлівайце беларускую ў адказ, а з рускамоўнымі тут падтрымаюць размову на... трасянцы

Ёсць і #зніжказамову ў 10% па промакодзе #мовапобач.

Падрабязней say.by/i/1335 Адкрыць / каментаваць

2022-02-06 12:18:04 Кансультанты гарадзенскага салона падлогі openini прафесійна пракансультуюць па-беларуску і дапамогуць абраць найлепшы варыянт для вашай хаты ці офіса.

Адказваюць тут на мове звароту, а між сабой камунікуюць па-беларуску!

Кампанія займаецца рэалізацыяй розных відаў пакрыццяў для падлогі: паркет, вініл, ламінат, дывановая плітка. Прафесійная кансультацыя, дастаўка, мантаж. З'яўляецца афіцыйным прадстаўніком еўрапейскіх кампаній: Boen, Moduleo, Wakol, Loba.

У кампаніі openini чатыры салоны: Мінск, Гродна, Брэст і Вільня. Беларускамоўныя кансультацыі і #зніжказамову менавіта ў гарадзенскім салоне openini!

Падрабязней say.by/i/1103 Адкрыць / каментаваць

2022-02-02 17:28:45 Кавярні - апошняя сфера для агучвання перад галоўным рэлізам мабільнага дадатку "Мова прафесіі"!

Апошнім часам адкрываецца шмат сапраўдных беларускіх кавярняў, што вельмі цешыць і пацвярджае абраны намі кірунак! Дапаможам ім падтрымліваць беларускую мову і дапамагчы распаўсюдзіць родную мову на ўсе кавярні Беларусі?

Пачаць агучванне проста - заходзіце на donar.by і націскаеце на мікрафон.

Калі жадаеце распрацаваць новую сферу для "Мовы прафесіі", у якой вы профі - пішыце на імэйл say@say.by, з радасцю прымем дапамогу! Адкрыць / каментаваць

2022-01-27 14:06:43 Запрашаем у Лаўндж-бар "СЛЭШ" - новае месца з падтрымкай беларускай мовы! Вам тут адкажуць па-беларуску! Прынамсі, будуць вельмі старацца, бо адраджэннем беларускай мовы трэба займацца разам!

А яшчэ тут ёсць цёплая атмасфера, смачная кухня, наліўкі ўласнага прыгатавання, прыемная музыка, кальяны і вельмі прыемны персанал.

Тут магчыма не толькі адпачыць пасля працоўнага дня, але ж і папрацаваць на аддаленцы і паабедаць.

Больш інфармацыі say.by/i/1338
#мовапобач Адкрыць / каментаваць

2022-01-14 14:37:24 Кампанія АЗС А-100 працягвае працу над паляпшэннем беларускай мовы ў размовах з наведвальнікамі, і дзеля гэтага нам патрэбная ваша дапамога.

Далучайцеся да агучвання заданняў па беларускай мове для сферы заправак. І тады ваш голас пачуюць у тым ліку і аператары АЗС А-100, калі будуць трэніраваць сваю беларускую з дапамогай праграмы "Мова прафесіі".

Для гэтага не трэба быць прафесіянальным дыктарам, а дастаткова мець прыладу з мікрафонам (напрыклад, тэлефон), а таксама жаданне далучыцца да адраджэння роднай мовы!

Пачаць агучваць можна на donar.by і тым самым стаць донарам беларускай мовы! Адкрыць / каментаваць

2022-01-10 19:12:59 Да канца каляднага міні-марафону яшчэ 2 дні, але вынікі ўжо цяпер? У чым справа? А яна ў тым, што донары беларускай мовы ўжо праверылі 50 гадзін, якіх не хапала да сумленнай тысячы!

І яшчэ ёсць тыя самыя 2 дні да "замарозкі" дадзеных рэліза Common Voice, які адбудзецца ў сярэдзіне студзеня.

Галасы можна ахвяраваць і надалей, працягваць трэніраваць сваю беларускую мову як на donar.by, так і ў Мове прафесіі!

А мы тым часам рыхтуем да агучвання новыя сферы і працягваем збіраць вашы водгукі да галоўнага рэліза mova.pro

Таксама цягам гэтага тыдня мы пачнём дасылаць значкі донараў мовы тым, у каго не было магчымасці забраць іх самастойна. Адкрыць / каментаваць

2022-01-07 20:29:25 Пачынаем агучваць заданні для новай сферы Мовы прафесіі - музыкі!

Далучайце свой голас праз donar.by!

Заданні для сферы музыкі падрыхтавала спадарыня Viola (donar.by/0001008). Адкрыць / каментаваць