гр

2021-07-11 13:21:41 Заўтра Еўрапарламент абмяркуе сітуацыю наконт незалежных СМІ Беларусі Адкрыць / каментаваць

2021-07-11 13:15:00 Вараныя яйкі ў цягніках і гітара. Музей адкрыў выставу пра падарожжы і настальгію

Вандраваць у розныя мясціны або перамясціцца ў Маладзечна 60–80-х гадоў – менавіта для тых, хто хацеў бы прыгод, падрыхтавалі выставу «Чамаданны настрой».

Калі чамаданы сталі папулярнымі?
Як іх упрыгожвалі?
Што бралі з сабой у падарожжа?

Падрабязнасці чытайце тут. Экспазіцыя працуе да 29 жніўня. Адкрыць / каментаваць

2021-07-10 17:04:22 ДТЗ на «Лініі Сталіна»: узбуджана крымінальная справа, не могуць высветліць асобы трох чалавек.

Што вядома на гэты момант Адкрыць / каментаваць

2021-07-09 23:16:55 Чытачы даслалі фота аварыі на "Лініі Сталіна".
Пішыце нам на @rh_by_bot Адкрыць / каментаваць

2021-07-09 22:48:12 На "Лініі Сталіна" з-за лабавога сутыкнення матацыкла і буса загінула чатыры чалавекі

Як паведамляе прэс-служба МУС, аварыя адбылася сёння каля 20:50. ДТЗ здарылася на 29-м кіламетры аўтадарогі Мінск-Маладзечна-Нарач.
Па папярэдняй інфармацыі, матацыкліст ехаў у накірунку Маладзечна, выехаў на сустрэчку, дзе сутыкнуўся з мікрааўтобусам.
У выніку ДТЗ машына загарэлася, кіроўцы транспартных сродкаў загінулі. Загінулі таксама два пасажыры - матацыкла і іншамаркі.
На месцы здарэння працуе МНС, медыкі, следча-аператыўная група. Адкрыць / каментаваць

2021-07-09 19:31:50 Смаргонцу прысудзілі адзін год «хіміі» за незаконнае капіраванне камп'ютарнай інфармацыі. Мужчына працаваў у салоне сувязі і капіраваў дадзеныя сілавікоў, якія пасля змяшчаў у тэлеграме.

Падрабязнасці справы ТУТ Адкрыць / каментаваць

2021-07-09 19:13:07 Ашмянскі РАУС прааналізаваў палітычную сітуацыю і пратэсныя настроі ў раёне. За паўгода ўзбудзілі тры крымінальныя справы і склалі пяць адміністрацыйных пратаколаў за парушэнне заканадаўства аб масавых мерапрыемствах.

Вось адна з цытат: «Аналіз палітычнай сітуацыі і пратэсных настрояў, якія склаліся на тэрыторыі раёна, сведчыць аб зніжэнні актыўнасці апазіцыйных паводзін і колькасці грамадзян, якія ўдзельнічаюць у несанкцыянаваных масавых мерапрыемствах, у тым ліку і размяшчэння пратэснай атрыбутыкі». Адкрыць / каментаваць

2021-07-09 11:00:18 Сёння працягваюцца ператрусы ў журналістаў. Сілавікі прыйшлі да брэсцкага журналіста Максіма Хлябца і журналісткі партала Onliner Настассі Занько. Адкрыць / каментаваць

2021-07-09 10:32:44 У Маладзечне каля музвучылішча адбылося ДТЗ. Будзьце ўважлівыя, рух ўскладнены. Адкрыць / каментаваць

2021-07-09 09:55:14 Сёння пачынае святкаваць свае 75 паэт і палітык, ураджэнец Смаргоншчыны Уладзімір Някляеў

Творчы зямляк даў вялікае інтэрв'ю нашай газеце. Вось некаторыя цытаты:

Пра Крэўскі замак: Крэўская школа, куды я пайшоў у першы клас, стаяла пад сцяной Крэўскага замка. Школа была маленькая, але побач з ёй была, у вокнах яе віднелася вялікая гісторыя.
Пра першае каханне: Яно звалася Ліля. І падарвалася на міне, якую згубіў, скраўшы яе на вайсковым складзе, каб глушыць рыбу, п’яны старшына. Мне дасюль балюча каханне тое ўспамінаць…
Пра жонку: Проста я кахаю яе, не разумеючы, як можна яе не кахаць? Дыхаю ёй.
Пра тое, чаму не з'ехаў пасля выбараў-2010: Бо не мог. Бо адказваў за людзей, якія ў мяне паверылі, пайшлі за мной. Дык як было пакінуць іх.

Усё інтэрв'ю чытайце па спасылцы Адкрыць / каментаваць