«Беларусь как раз находится вот в этой пограничной зоне Европы | За нашу і вашу свабоду / Rerum Novarum
«Беларусь как раз находится вот в этой пограничной зоне Европы, между, так сказать, Востоком и Западом, хотя сама, конечно, принадлежит Востоку»
З такой заявай сёння выступіў вайсковы патрыярх РПЦ Кірыл, пасля размовы з Лукашэнкам.
Беларусь, карані дзяржаўнасці якой узыходзяць да скандынаўскіх конунгаў Рагнвальда, Тура і Рагнхільды.
Беларусь, у якой распаўсюд хрысціянства ішоў як з Візантыі, так і з Рыму, дзякуючы Торвальду, біскупам Брунону, Рэйнберну, Віту, Хрысціяну і іншым.
Беларусь, якая пазбегла мангола-татарскага прыгнёту.
Беларусь, якая стаяла ля вытокаў Вялікага княства Літоўскага і Рэчы Паспалітай.
Беларусь, якая зрабіла важны ўнёсак у заходнюю юрыспрудэнцыю, дзякуючы Статутам ВКЛ і Канстытуцыям Рэчы Паспалітай.
Беларусь, якая больш як 200 гадоў змагаецца супраць захопнікаў з Усходу за нашу і вашу свабоду.
Беларусь, якая ўсю сваю гісторыю была неадлучнаю ад еўрапейскай цывілізацыі.
А тут прыязджае нейкі сусветны ізгой з Масквы, які беларусаў нават за асобны народ не лічыць, і пачынае распавядаць, каму Беларусь належыць. Здаецца, хтосьці зашмат на сябе бярэ. Досвед Украіны, якую ён ужо страціў, яго яшчэ нічому не навучыў. І таму ён вырашае наступіць на тыя самыя граблі ў Беларусі.