Фантастычная пушчанская барадатая кугакаўка! Калі сярод звяроў Белавежскай пушчы самы знакаміты – зубр, то сярод птушак, безумоўна, – гэта барадатая кугакаўка.
Гэты рэдкі від соў Беларусі, уключаны ў нацыянальную Чырвоную кнігу, гняздуецца ў асноўным на балотах.
Вось і гэтую птушку Гарык Парусаў сфатаграфаваў на мяжы балота Дзікое ў Белавежскай пушчы.
– Нам пашчасціла больш за дзве гадзіны назіраць за савой. Нас для яе нібыта не існавала, яна сядзела на адлегласці 6-7 метраў і палявала, – расказвае Гарык.
Барадатыя кугакаўкі палююць пераважна на дробных грызуноў і птушак.
