25 жніўня 1991 году пачалося новае жыцьцё беларускіх словаў дз | Толькі пра мову
25 жніўня 1991 году пачалося новае жыцьцё беларускіх словаўдзяржаўнага будаўніцтва. • Камуністы дазвалялі толькі фальшывы „сувэрэнітэт саюзных рэспублік“. Словы „незалежная Беларусь“ забараняліся. • Але з 25 жніўня яны, напоўненыя рэальным зьместам, загучалі на ўвесь сьвет. • Падобным чынам і да 25 Сакавіка 1918 году публічна незалежнасьці Беларусі не патрабавалі. • 25 Жніўня — Дзень аднаўленьня Незалежнасьці. • Рэвалюцыя 1991 году надала адроджанай беларускай дзяржаве новае поўнае імя — Рэспубліка Беларусь. • Паводле закону адзіная скарочаная форма назвы — проста Беларусь. Абрэвіятура „РБ“ па-за законам і дэзарыентуе („Республика Башкортостан“). • Для дзяржаўных інстытутаў з ініцыятывы дэпутатаў БНФ пачалі вяртаць спрадвечныя беларускія словы: мытня і мытнік, дзяржаўны сьцяг. • Але камуністычная большасьць не пагадзілася мяняць „Вярхоўны Савет“ на Раду і прыняць талер як назву нацыянальнае валюты. • Законапраект апазыцыі быў пра памежную варту. Бальшыня правяла тэрмін „пагранічныя войскі“. І ўсё ж тэрміны дзяржаўная мяжа, памежнікі бытуюць нават у афіцыйнай практыцы.
