Напярэдадні 9 жніўня хацелася б нагадаць, што, па стане на 6 жніўня 2022 года, 1262 чалавекі прызнаныя палітычнымі вязнямі ў Беларусі.
Насамрэч палітзняволеных у краіне яшчэ больш, аднак не ўсе яны прызнаюцца такімі афіцыйна.
Тым часам мноства беларусак і беларусаў знаходзіцца па-за межамі краіны. І можа здавацца, што мы нічога не можам зрабіць.
Але гэта не так!
Прапаноўваю паглядзець на нашу прымусовую эміграцыю з пазітыўнага боку. Бо мы можам паказаць увесь свет беларускім палітвязням!
Я даслала фотаздымкі цудоўнай Рыгі не меней цудоўнаму Ігару Лосіку. Вы можаце зрабіць тое ж самае, сфатаграфаваўшы свае гарады і адправіўшы фатаграфіі любому палітзяволенаму.
Публікуйце вынікі пад хэштэгамі #УвесьСветДляПалітзняволеных і #TheWholeWorldForPoliticalPrisoners.
І хай дабро пераможа!
P.S. Калі вы не беларус_ка, але хочаце таксама паўдзельнічаць — калі ласка!