2021-08-28 13:12:47
#rezystans_historyja
28 жніўня 2015 году, роўна 6 год таму ня стала беларускага грамадскага і вайсковага дзеяча, сьпявака, удзельніка вайны на ўсходзе Ўкраіны Алеся Чаркашына.
Да беларускага нацыянальнага руху Алесь далучыўся васямнаццацігадовым юнаком. Быў чальцом спартова-патрыятычнай арганізацыі «Край», актывістам руху «Зубр», старшынём Берасьцейскага гарадзкога адзьдзелу БХД, удзельнічаў у Плошчы 2010, быў арганізатарам пратэстаў 2011 году. Навучаўся ў Таўрыйскім хрысьціянскім інстытуце ў Херсоне, які скончыў з чырвоным дыплёмам.
У 2014 годзе дабраахвотнікам уступіў у шэрагі ДУК «Правы Сэктар», быў байцом Тактычнай групы «Беларусь». Са студзеня 2015-га актыўна браў удзел у антытэрарыстычнай апэрацыі на ўсходзе Ўкраіны пад пазыўным «Тарас». Удзельнічаў у баях за Данецкі аэрапорт, у пасёлку Пяскі і раёне Данецку.
10 жніўня 2015 году ў баі з прарасейскімі тэрарыстамі паблізу вёскі Белая Камянка Данецкай вобласьці атрымаў цяжкія раненьні і памёр у Запарожскай абласной лякарні праз васямнаццаць дзён. Пасьмяротна ўзнагароджаны ордэнам «Народны Герой Украіны». На помніку беларусам, што загінулі за Ўкраіну, адкрытаму ў 2016 годзе ў Кіеве, высечана ягонае імя.
Вечная памяць і слава ўсім беларусам, што аддалі свае жыцьці за Ўкраіну ў барацьбе супраць нашага агульнага ворага.
84 views10:12
Z
