2022-05-30 12:58:15
Больш за год таму палітык заявіў аб стварэнні новай палітычнай структуры.
– На якой стадыі зараз праект стварэння партыі? – запытаўся я ў Дзмітрыева.
– Мы працуем у статусе аргкамітэта, – кажа палітык. – У прыярытэце – стварэнне праграмы партыі і арганізацыя структур. Актыўна выказваем нашу пазіцыю і па вайне, і па тым, што адбываецца ў эканоміцы і палітыцы Беларусі. Падтрымліваем палітвязняў і простых грамадзян. Сёння для ўсіх нас надзея з’яўляецца падтрымкай.
– Ці мае сэнс увогуле марыць пра стварэнне партыі, калі зараз улады, наадварот, масава закрываюць альтэрнатыўныя пляцоўкі?
– Аб’ядноўвацца грамадзянам заўсёды мае сэнс, а ва ўмовах рэпрэсій яшчэ і вельмі важна. А ідэальных умоў не будзе ніколі. Калі мы пагодзімся з тым, што ёсць, то ўмоў не будзе наогул.
– І якія вашы бліжэйшыя планы? Усё-такі партыя будзе ці так і застаняцеся вечным «аргкамітэтам па стварэнні»?
– Летам правядзём у анлайн-фармаце другі з’езд аргкамітэта партыі. Першы прайшоў год таму, там быў прыняты праект статута.
Год мы працавалі над праграмай, сайтам і многім іншым. Зараз будзем падводзіць вынікі, прымаць праект праграмы, а таксама абмяркуем, калі рэальна правесці паўнавартасны з’езд.
Урывак з публікацыі № 41 газеты “Народная Воля”.
100 views09:58