2022-06-14 11:16:51
Чым павінны займацца прафсаюзы?
З канца 19 ст. прафсаюзы азначаюць сваёй мэтай абарону правоў працоўных. Салідарнасць працоўных дапамагла дабіцца паляпшэння ўмоў працы і адпачынку, павялічэння заробкаў, адказнасць кіраўнікоў за здароўе працоўных, бяспечныя ўмовы працы.
У розных краінах дзейнасьць прафсаюзаў мае свае асаблівасці і уплыў на грамадскае жыццё. "Глабальны індэкс захавання правоў працоўных" за 2021 год паказвае, што працы ў прафсаюзаў Беларусі шмат.
Чаму так адбываецца? Мы бачым праблемы ў адносінах "дзяржава - прафсаюз - працаўнікі". Каб гэта змяніць, працоўным патрэбна ведаць, што прафсаюз не толькі дапаможа вырашыць праблему, але і зробіць усё каб яна не паўтарылася. Калі працоўных не чуе кіраўніцтва, прафсаюз павінен прымусіць пачуць. Давер паміж прафсаюзам і працоўнымі павінен быць узаемным.
Прафсаюз павінен клапаціцца не толькі аб сваіх членах, але і аб усіх працоўных. Вырашыўшы праблему асобы, працягваць вырашаць праблему наогул. Не змоўчваць парушэнне правоў, а трансляваць іх вышэй, каб пачулі ўсе. Вырашаць не толькі праблемы працоўных адносін, але і сацыяльныя, і палітычныя, калі яны ўплываюць на працоўныя калектывы.
Дзяржава павінна прыслухоўвацца да ўсіх прафсаюзаў. Нельга карыстацца прафсаюзам як "коркам" ад праблем працоўных і дасягнення нейкіх палітычных мэт альбо дзеля ціска на працоўных.
Менавіта тады ўсе прафсаюзы змогуць працаваць, развівацца і дапамагаць працоўным карыстацца сваімі правамі.
156 views08:16
С
