Muzyka bielaruskaj

2022-10-05 22:44:58 Дабранач! Адкрыць / каментаваць

2022-10-05 16:55:40 Для таго, каб свабодна адчуваць сябе на ўроках музыкі пры выкарыстоўванні беларускай мовы важна не толькі ведаць што і як называецца, але і ўмець лаканічна распавядаць на ўроку, выкарыстоўваючы ўсе гэтыя веды. Прапануем вам спіс фраз, якія дапамогуць вам на першых уроках:

Калі хочам, каб вучань пачаў іграць нешта, можна сказаць:
“Зайграй, калі ласка…”, “Выканай для мяне…”, “Пачні іграць…”, “Давай зараз пачнем з…”

Калі хочам, каб вучань спыніўся дзеля выпраўлення памылкі:
“Спыніся, калі ласка…”, “Стоп, давай вырпавім гэтае месца…”, “Калі ласка, яшчэ раз…”

Калі хочам удакладніць тэмп выканання:
“Так, давай трышку марудней/павольней…”, “Давай крышачку хутчэй”, “Тут варта паскорыцца….”, “Думаю, што тут лепей запаволіцца…”

Калі хочам звярнуў увагу на пэўны аспект выканання:
“Калі ласка, сачы за працягласцямі ў гэтым такце…”, “Будзь больш пільным вось тут, памятай пра штрыхі…”, “Уважліва сачы за дынамікай…”, “Дакладна выконвай гэтую змену ў характары…”, “Максімум увагі на сустрэчныя знакі, калі ласка…”

Калі хочам нешта спытаць у вучня:
“Як ты думаеш, …?”, “А як на тваю думку, …?”, “А па-твойму, як павінна быць?..”, “Якое тваё меркаванне наконт … ?”, “Што ты думаеш адносна … ?”, “Якія ў цябе думкі наконт …?”

Калі жадаем нешта прапанаваць вучню:
“Глядзі, ў мяне ёсць такая прапанова…”, “Так, я магу табе прапанаваць…”, “Думаю, што табе можа быць цікава…”, “Мая ідэя такая…”

Калі трэба распавесці пра тэму ўрока:
“Сёння мы будзем вывучаць…”, “Я вырашыў сёння пазнаёміць цябе з…”, “Сёння ў нас будзе новая тэма: …”, “Я даўно збіраўся/лася распавесці табе пра…”, “Памятаеш, я абяцаў/ла табе расказаць пра…”

Калі трэба выправіць памылку:
“Паглядзі, калі ласка, вось тут ты няправільна…”, “Выправі, калі ласка, вось гэтае месца…”, “Прыгожа атрымалася, але няправільна…”, “Трэба пазбавіцца ад гэтай памылкі…”, “Тут напісана не зусім тое, што ты іграеш…”

Калі трэба маральна падтрымаць:
“Не бойся, гэта будзе зусім не складана…”, “Ты ўсё гэтае ведаеш, не варта сумнявацца…”, “Ты добра да гэтага падрыхтаваўся/лася, ўсё атрымаецца…”, “Не бянтэжся, ўсё будзе добра…”, “Ты ўсё робіш правільна, нават і не думай здавацца…”

Калі трэба адзначыць поспех у выкананні пэўнага задання:
“Малайчына!”, “Выдатна!”, “Няблага!”, “Вось, так і працягвай!”, “Неверагодна!”

Калі трэба адзначыць няўдачу ў выкананні пэўнага задання:
“Так, не атрымалася…”, “Думаю, што можна паспрабаваць лепей…”, “Вось гэтае не прагучала…”, “Сам/а адчуваеш, што не трапіў/ла, так?..”, “Гэтая праблема засталася…”

Спадзяемся, што адштурхоўваючыся ад гэтых фраз вам будзе лягчэй на сваіх першых беларускамоўных уроках. Калі вам ёсць чым дапоўніць гэты матэрыял - запрашаем у каментары.

#Агульныяпарады
#Пераходнабеларускую Адкрыць / каментаваць

2022-10-03 16:58:06 #Сальфеджыа
#Табліцы
#Тэорыямузыкі Адкрыць / каментаваць

2022-10-03 16:57:05 Пакуль вы намагаецеся сагрэцца гэтым дажджлівым днём, мы падрыхтавалі новую табліцу, прысвечаную інтэрвалам!

#Сальфеджыа
#Табліцы
#Тэорыямузыкі Адкрыць / каментаваць

2022-10-02 22:14:21 Яшчэ раз віншуем вас (і нас) з днём настаўніка!

І дзелімся з вамі стосам карысных спасылак:

Усталюйце у сваім тэлеграме беларускую мову:
t.me/setlanguage/be

Падпісвайцеся на нас ў інстаграме:
instagram.com/muzykabielaruskaj

Спажывайце беларускі кантэнт! Сёння раім вам падпісацца на найбуйнейшага ў беларускім сегменце гульнявога блогера - Рудзі:
t.me/rudzi_game

Жадаем плённага працоўнага тыдня! Адкрыць / каментаваць

2022-10-02 19:59:03 Адкрыць / каментаваць

2022-10-02 18:03:03 Адкрыць / каментаваць

2022-10-02 15:57:03 Адкрыць / каментаваць

2022-10-02 14:01:05 Адкрыць / каментаваць

2022-10-02 12:03:55 Ну а каб дзень настаўніка праходзіў весялей, мы запускаем чарговую мемдзелю!

#Мемдзеля Адкрыць / каментаваць