2021-07-28 18:53:34
«Калі новы легітымны ўрад будзе прызнаны членамі МВФ, ён адразу атрымае доступ да гэтых сродкаў». Кіраўнік НАУ Павел Латушка – пра грошы ад МВФ для Беларусi
Цi атрымае рэжым грошы ад Мiжнароднага валютнага фонду? Падрабязнасцi ад Паўла Латушкi для «Нашай Нiвы»:
• «Мэта гэтай эмісіі [МВФ]
– дапамога краінам для выхаду з крызісу, выкліканага пандэміяй каранавіруса. Гаворка ідзе пра суму
650 мільярдаў даляраў ЗША, якія будуць размеркаваны сярод 192 краін-удзельніц МВФ».
• «Перамовы з МВФ могуць весціся толькі ад асобы членаў МВФ. Таму спосаб працы іншы
– пераканаць нашых партнёраў у важнасці гэтага пытання і працаваць з імі, каб праз свае казначэйствы і сваіх дырэктараў у МВФ яны ўзнялі гэтае пытанне. Мы павінны ведаць працэдуру, а не спадзявацца на тое, што правілы падбудуюць для нас і пад нас; пераканаць нашых партнёраў і разам працаваць на дасягненне мэты».
• «Калі тыя, хто не прызнаў выбары, кансістэнтна прагаласуюць у адпаведнасці з пазіцыямі сваіх краін, пытанне вырашыцца як трэба, бо калі пералічыць галасы тых членаў МВФ, якія не прызналі Лукашэнку прэзідэнтам (галасаванне не адна краіна – адзін голас, а ў адпаведнасці з укладам у сусветную эканоміку), атрымаецца 56%, а прызналі ўсяго 13%.
Менавіта на гэтай падставе Мадура і хунта М'янмы былі пазбаўленыя доступу да рахункаў сваіх краін».
• «Можа быць прынята рашэнне, што сярод сяброў МВФ няма яснасці, ці з'яўляецца Лукашэнка прэзідэнтам і ці з'яўляюцца такім чынам Калаур і Селіверстаў прадстаўнікамі дзяржавы. І калі рашэнне будзе прынята ў адпаведнасці з афіцыйнымі пазіцыямі гэтых краін,
SDR – спецыяльныя правы запазычання – будуць ляжаць некранутымі на рахунку Беларусі. А калі новы легітымны ўрад будзе прызнаны членамі МВФ, ён адразу атрымае доступ да гэтых сродкаў».
Нагадаем, што канчатковай мэтай кампаніі НАУ з'яўляецца блакаванне пералічэння рэжыму SDR на суму больш як $1 млрд і захаванне гэтых сродкаў для Новай Беларусі. Разам мы робім усё магчымае, каб яны не пайшлі на працяг тэрору і рэпрэсій, а іх блакіроўка стала магутным ударам па злачыннаму рэжыму Лукашэнкі.
14.9K viewsedited 15:53