Павел Латушка і НАУ далучаюцца да Міжнароднага тыдня беларускай культуры
НАУ падтрымлівае ініцыятыву аб абвяшчэнні
7 ліпеня Міжнародным днём беларускай культуры і правядзенні
з 5 па 11 ліпеня Міжнароднага тыдня беларускай культуры.
7 ліпеня - Дзень нараджэння Народнага песняра Беларусі – Янкі Купалы, які выступаў за вольную і незалежную Беларусь.
Доўгія гады рэжым спрабаваў знішчыць памяць аб нашых каранях і культуры, хацеў пазбавіць беларусаў пачуцця нацыянальнай самасвядомасці, скрасці павагу да гістарычных і культурных каштоўнасцяў. Але яму гэта не ўдалося.
У адказ на рэпрэсіі рэжым атрымаў наймагутнейшы культурны пратэст. Нашы сучаснікі – музыканты і мастакі, акцёры, пісьменнікі і паэты – дэманструюць усяму свету, што беларусы не толькі смелыя і свабодалюбiвыя, але і вельмі творчыя і таленавітыя.
Чым больш актыўным будзе наш культурны рух, тым больш згуртаванымі і моцнымі будзем мы!
Няхай голас беларусаў будзе чутны па ўсім свеце! Далучайцеся,
выкарыстоўваючы хэштег #by_culture у сваіх сацсетках!
