У пачатку сьнежня мінулага году кітайскі плянэтаход Yutu-2 даслаў здымак паверхні Месяца, дзе быў бачны размыты аб'ект кубічнай формы. У Кітаі яго называлі таямнічай хацінай, а ў СМІ – месячным кубам. Цяпер жа месяцаход зрабіў якасны здымак з меншай адлегласьці і стала відавочным, што аніякага куба няма – гэта валун, геаметрычны выгляд якога проста гульня пэрспэктывы, сьвятла і ценю.
