Лявон Вольскі прадстаўляе — вострасюжэтны гістарычны серыял "Беларускі сьлед"!
Задалі Лявону пытанні пра яго новую праграму на YouTube, яе ідэю, жанр і адукацыйны патэнцыял:
— Гэта далёка не першая мая спроба забаўляльна-містыфікацыйна-сатырычнага праекту. Цяпер такіх праграмаў вельмі бракуе і наогул бракуе гістарычных ведаў, у тым ліку і па гісторыі Беларусі.
Ідэя ўзнікла з таго, што непрыемна назіраць, як суседзі забіраюць нашых герояў, а дзяржаўнае кіраўніцтва ў Беларусі гэтаму працэсу не тое, што не перашкаджае, а ўхваляе, так што атрымліваецца, што гісторыя Беларусі ледзь не пачынаецца з 1918-га году.
Жанр — Fake-history альбо калягістарычная містыфікацыйная праграма. Каб разняволіць беларусаў і вызваліць іх ад стэрэатыпаў, заахвоціць іх праверыць свае веды з дапамогаю хаця б Google. Каб развіць крытычнае мысленне, не прымаць на веру розную інфармацыю, а правяраць. А то так можна паверыць і ў магутны беларускі ноўтбук, і дызайнерскі матацыкл.
Глядзіце першую сэрыю "Напалеон Банапарт".