Ад моманту свайго заснавання ўвосень 2020 года мы, Беларуская Рада культуры, паслядоўна адстойваем прыярытэт падтрымкі беларускай культуры перад еўрапейскімі фондамі і інстытутамі.Сёлета мы дамагліся, каб у праграме падтрымкі грамадзянскай супольнасці з боку Еўрасаюза
з'явілася культура.
Усяго на падтрымку беларускай культуры Еўракамісія ў 2022-2024 гг. вылучыла
4 млн. еўра.
Беларуская Рада культуры разам з Дацкім інстытутам культуры зараз знаходзяцца
на фінальнай стадыі ўзгаднення з Еўракамісіяй праекту па падтрымцы беларускай культуры на агульную суму
2 млн. еўра.
Наш праект прадугледжвае стварэнне Рэсурснага цэнтру падтрымкі культуры, праграму малых грантаў і праграму па мабільнасці.
Яшчэ
2 млн. еўра, наколькі нам вядома, будуць размеркаваны праз адзін з еўрапейскіх фондаў.
Пасля канчатковага зацвярджэння праекта, мы правядзем прэс-канферэнцыю і раскажам падрабязнасці пра яго старт і рэалізацыю.
