Марына Шыбко, жонка зняволенага сябра ПЭНа
Аляксандра Фядуты, атрымала ад яго ліст.
“Утрыманне пад вартай падоўжанае да 12 кастрычніка, але піша, што збіраецца сустрэць там і дзень нараджэння, і Новы год. Таму перадала тэлевізар і ўжо галоўную трансляцыю дня, 9 жніўня, ён бачыў”, — паведаміла
Марына.
Спадар Аляксандр, між іншым, піша, што набыў кнігі Аксёнава, Іскандэра, Вайновіча ды Акуджавы. У мінулым месяцы чытаў Даўлатава ды «
падсадзіў сукамернікаў на даўлатаўскую прозу, што абмеркаванне перарасло ў сапраўдную чытацкую канферэнцыю».
У траўні Марына Шыбко паведамляла, што Аляксандр працуе над «Каласы пад сярпом тваім» Караткевіча, будзе пісаць кнігу-каментар пра яе. Цяпер стала вядома, што рукапіс ужо перададзены следчаму на прачытанне, затым яго мусяць перадаць на волю.
