Міністэрства культуры Беларусі абвясціла конкурс на памятны зн | Беларусізацыя

Міністэрства культуры Беларусі абвясціла конкурс на памятны знак «Уз'яднанне», прысвечаны далучэнню Заходняй Беларусі да БССР. Магчымым месцам разглядаецца скрыжаванне пр. Пераможцаў і Машэрава, сам манумент можа быць створаны ў выглядзе трыумфальнай аркі. Гістарычная даведка пра жахі паланізацыі сімвалічна прыведзена на рускай мове. У ёй таксама адсутнічаюць любыя згадкі пра сакрэтны пратакол пакта Молатава — Рыбентропа, якім нацысты і Саветы падзялілі Усходнюю Еўропу між сабой.

Падзея між тым сапраўды лёсавызначальная для беларускай нацыі, таму хацелася б, каб конкурс не абміналі з прычыны яго выкарыстання ў ідэалагічных мэтах цяперашнімі ўладамі.

#помнікі #Мінск