2021-07-16 21:09:55
Учора быў напамін, што 15 ліпеня 1924 года у БССР была распачата беларусізацыя як афіцыйная дзяржаўная палітыка.
Планавалася:
- перавод рэспубліканскіх устаноў і часцей Чырвонай арміі на беларускую мову;
- вылучэньне беларусаў на партыйную і прафсаюзную работу;
- арганізацыя работы навучальных устаноў на беларускай мове.
Пераход устаноў і арганізацый на беларускую мову планавалася ажыцьцявіць на працягу 1-3 гадоў.
З часоў беларусізацыі (хоць гэта быў нядоўгі перыяд) збераглося шмат сьведчаньняў.
У праекце Куфар старажытнасьцяў зберагаецца дакумент 1931 года - Пасьведчаньне аб сканчэнні курсаў па падрыхтоўцы дарожных дзясятнікаў грунтовых дарог.
Уласнік на чыё імя быў выдадзены дакумент праслухаў курс па наступных дысцыплінах:
- грамадазнаўства;
- беларуская мова;
- дарожная справа;
- гэадэзія;
- каштарысы;
- матэматыка.
Як Вы думаеце ці вернецца калі-небудзь у праграму навучаньня дарожных майстраў грунтовых (і не толькі) дарог, беларуская мова і грамадазнаўства?
Праект Куфар старажытнасцяў - ініцыятыва зберажэння нашай спадчыны. Вы можаце садзейнічаць дадзенаму праекту (дапамагчы ў рэстаўрацыі знаходак) або перадаць нейкія цікавыя адметнасці для зберажэння і папулярызацыі.
195 views18:09