З 1948 па 1953 года 12 беларусаў ў Ангельшчыне выпускалі беларускі эмігрантскі часопіс
"Наперад!" і прадавалі асобнікі па 1 шылінгу за штуку.
Будучая рэдакцыя пазнаёмілася ў Нямеччыне, а ў канцы 1947 года вырашыла ехала на заробкі ў Ангельшчыну, каб зарабіць на вышэйшую адукацыю. 12 хлопцаў-беларусаў працавалі ў Цантральнай Англіі ў вугальных шахтах і выдавалі часопіс
"Наперад!", напаўняючы яго пераважна асабістымі тэкстамі — апавяданнямі, аповесцямі, вершамі, фельетонамі. Часопіс нарадзіўся як адказ на эмігрантскую тугу па Радзіме і неабходнасць асэнсоўваць свой досвед і захоўваць у сабе адчуванне Беларусі.
За час сумеснай працы
"Дванаццатка" паспела выдаць 26 нумароў часопісу. Затым хлопцы ўсё ж дасягнулі сваёй асноўнай мэты — і паступілі ў Лювенскі універсітэт у Бельгіі, дзе пасля іх шляхі разышліся.
На фота вокладка часопісу "Наперад!",
“Дванаццатка” пад час працы над новым нумарам.