18.12 (субота) вас чакае вандроўка "ЗІГЗАГІ МЕНСКАЙ МІНУЎШЧЫНЫ"!
Гэтым разам зігзагамі паблукаем па старажытным Менску.
Вас чакае старажытная вуліца Феліцыянаўская і самые вясёлае у горадзе перакрыжаваньне, а таксама смакі і пахі "Канстантынопальскай" кандытарскай Ахмеда Офлі і вінны склад братоў Хаецкіных. Старажытная Няміга ўразіць вас сваёй легендарнай ракой, а таксама габрэйскім кварталам і Халоднай сінагогай. Мы пабываем ля былых бернардынскіх касьцёлаў зь іх гісторыямі, легендамі і цікавосткамі, паблукаем па Вялікай Бернардынскай і Зыбіцкай вуліцах і апынемся ў Купалаўскім парку, дзе нас будуць чакаць старыя дрэвы, знакаміты фантан і шмат цікавых гісторый.
Маршрут: вул. Камсамольская – вул. Няміга – пл. Свабоды – парк імя Янкі Купалы
Адлегласьць: 2943 крокі
Сустракаемся ў 14.00 ля "Цэнтральнай кнігарні", пр-т Незалежнасьці, 19.