У бібліятэцы №3 прайшла прэзентацыя кнігі “Самародкі”
Каб упэўнена сябе адчуваць на роднай зямлі, трэба мець моцныя карані. Карані – гэта родная мова, гісторыя, культура, памяць, адным словам, скарб, які пакінулі продкі.
Па драбніцах збірала журналістка газеты “Светлы шлях” Галіна Антонава тое, што пачынае адыходзіць у нябыт, што аслабляе каранёвую сістэму народа.
“Спачатку гэта былі матэрыялы для газеты пад рубрыкай “З крыніц народных, жыватворных, - кажа Галіна Францішкаўна, - але з цягам часу назапасіўся багаты гістарычны архіў, які выклікаў цікавасць сярод чытачоў. І мне захацелася сабраныя матэрыялы размясціць пад адну вокладку і выдаць кнігу “Самародкі”.
25 чэрвеня Смаргонская раённая бібліятэка ў літаратурна-музычнай гасцёўні “Сустрэчы” правяла прэзентацыю гэтай кнігі. Мерапрыемства працяглы час адкладвалі з-за пандэміі каранавірусу.
https://www.shliah.by/news/kultura/news24503.html
