Даваць (даць) задні ход. Адступаць ад раней сказанага, зробле | Мода На Мову
Даваць (даць) задні ход.
Адступаць ад раней сказанага, зробленага, адмаўляцца ад ранейшага намеру, рашэння.
— Ды я так, — даў задні ход Валодзя. — Я хацеў ведаць, што вы скажаце... (П. Рунец. Аб чым шэпчацца аер).
Склаўся на аснове адпаведнага свабоднага словазлучэння, якое ў маўленні машыністаў-чыгуначнікаў або шафёраў ужываецца з прамым значэннем ‘ад’язджаць назад’: «Урэшце поезд, даўшы задні ход, спыніўся ля таварнай платформы» (І. Шамякін).