Вера Трацюк і Міхаіл Бурда з Малога Паўлопаля
Пабывалі мы і ў гасцях у 80-гадовай пенсіянеркі Веры Трацюк з Малога Паўлопаля. Вера Іванаўна цяпер даглядае мужа Сцяпана Іванавіча, з якім разам ужо 62 гады крочаць па жыцці.
Жанчына яшчэ на дваіх з сынам Мікалаем трымае кароўку – адзіную на ўсю вёску.
Пенсіянер Міхаіл Бурда з жонкай таксама вярнуўся з горада ў бацькоўскую хату ў Малым Паўлопалі. Міхаіл Аляксеевіч, па словах старасты, і каваль, і слесар, наогул мясцовы Кулібін. Змайстраваў вось сваімі рукамі малатарню, і цяпер не толькі сам карыстаецца ёю, але і аднавяскоўцам дапамагае абмалаціць ураджай.
Міхаіл Аляксеевіч у размове з намі паскардзіўся на адсутнасць інтэрнэту і дрэнную работу мабільных тэлефонаў у Паўлопалі.