На дварэ мінусавое надвор'е! Спадзяёмся, Вы не сьцюцюрыліся, сябры, у гэткую сьцюжу
СЬЦЮЦЮ́РЫЦЦА (ściuciurycca)
(дзеяслоў, закончанае трываньне)
Сьцюцюрыцца, сьцяцюрыцца, счучурыцца — прытуліцца, сьціснуцца, скружніцца, суцішыцца.
Як толькі вечар, яны каля бацькі сьцюцюрацца.
Малы з холаду сьцяцюрыўся, аж будзіць балюча.
Селі пад ёлачку, счучурыліся ўдваіх.
Слова "сьцюцюрыцца" — зь Віцебшчыны.
Сьцюцюрыцца можна ад холаду, страху.
#словы_С
