У Лоеве АСВОД выратаваў жанчыну на ДняпрыУчора раніцай каля цэнтральнага пляжа Лоева выратавалі жанчыну. Як гэта часта бывае, яна не разлічыла сілы і пачала тануць. Супрацоўнікі АСВОД своечасова ўбачылі, што тоне чалавек у 10 метрах ад берага.
Да пацярпелай падплылі на лодцы і дасталі з вады. Жанчына была ў прытомнасці, але ёй спатрэбілася хуткая медыцынская дапамога. Пасля агляду выратаваную шпіталізавалі ў бальніцу.
З пачатку купальнага сезона ў Гомельскай вобласці патанула больш за 10 чалавек, трое з якіх дзеці. Усе трагедыі здарыліся ў забароненых для купання месцах, дзе няма ратавальнікаў.
