У Варшаве адбудзецца прэзентацыя кнігі «Свінні» беларускага журналіста Аляксандра Чарнухі
«Свінні» — гэта калейдаскоп вар'яцкіх выяў, пры гэтым настолькі штодзённых і звыклых, што смех перыядычна змяняецца сумнай усмешкай. Чытач, магчыма, пазнае ў рамане свой горад, сваю школу, сваю вуліцу і знаёмых персанажаў. Але праз гэтую штодзённасць маленькага райцэнтра прабіваецца зусім іншы маштаб: чытач заўважыць у кнізе ўсім вядомыя цытаты, знойдзе алюзіі на падзеі 2020 года ў Беларусі і ў выніку дабярэцца да сумнага фіналу гэтай гісторыі.
На прэзентацыі можна будзе паслухаць урывак з рамана, задаць пытанні аўтару, а таксама набыць кнігу. Адмысловы госць імпрэзы —
NaviBand.
Прэзентацыя адбудецца 6 траўня ў Беларускім Моладзевым Хабе (пляц Канстытуцыі, 6) а 19:00.