2023-03-17 08:54:41
На агародзе
Выцірала бабка пот,
Даглядала агарод:
І фасольку-спавітушку,
І пятрушку, і чарнушку,
Рэпу, рэдзьку, буракі.
Мак, салату, агуркі,
І капусту, і ўкроп,
Часначок, цыбулю, боб,
Гарбузы і памідоры.
У старой работы - горы!
Працаваць адной - дакука,
Кліча бабка ўнучку, унука -
І палоць, і паліваць,
Прарываць і аграбаць.
Замест працы ўнучка ручкай
Цап за рэпку, цап за бручку...
Пастаяў, як цецярук,
У баку ад бабкі ўнук,
Сеў на градку - не відзён,
Боб і мак латошыць ён
Бабка поле, аграбае,
Унук у поле паглядае...
- І памочнікі ж унукі! -
Пацірае бабка рукі.
170 views05:54