2021-08-25 23:48:46
Прэм'ера дакументальнага фільма «Дэпутаты Незалежнасці»:
Роўна 30 гадоў таму Беларусь стала незалежнай ад СССР. 25 жніўня 1991 года Вярхоўны Савет БССР прыняў рашэнне аб наданні Дэкларацыі аб дзяржаўным суверэнітэце статусу канстытуцыйнага закона. У 20 гадзін 8 хвілін Беларусь здабыла Незалежнасць.
У фільме дэпутаты «Cесіі Незалежнасці» дзеляцца ўспамінамі пра падзеі 30-гадовай даўніны і расказваюць, як беларусы змагаліся за суверэнітэт.
У інтэрв'ю паўдзельнічалі Сяргей Антончык, Алег Трусаў, Лявон Баршчэўскі і Лявонцій Зданевіч, дэпутаты Вярхоўнага Савета Беларусь 1990—1995 гадоў.
Дэпутаты згадваюць, якія перашкоды былі на шляху да волі. Хто быў «за», а хто «супраць» незалежнай Беларусі. Чаго каштавала перамога, і як усё ж такі ўдалося перамагчы.
Успаміны людзей, якія непасрэдна ўдзельнічалі ў стварэнні незалежнай Беларусі, натхняюць.
972 views20:48