Ва ўладаў удала атрымліваецца толькі імітацыя. Вельмі жвавень | Цыганкоў

Ва ўладаў удала атрымліваецца толькі імітацыя.

Вельмі жвавенька і разнастайна пагаварылі з Вадзімам Мажэйкам "на актуальныя тэмы".

Аналітык Беларускага інстытуту стратэгічных дасьледаваньняў Вадзім Мажэйка (вось ягоны тэлеграм https://t.me/mazejka) зьдзіўляецца, навошта апанэнты рэжыму глядзяць Азаронка і чытаюць «Жёлтые сливы»; расказвае, як улада разумее «грамадзянскую супольнасьць», і заяўляе, што лепш за ўсё ў рэжыму атрымліваецца імітацыя.

-- Бо розныя мэдыя працуюць на розныя аўдыторыі. Тэлеграм-каналы ГУБАЗіКу, «Жёлтые сливы», як гэта ні дзіўна, працуюць на пратэставую аўдыторыю. Бо складана ўявіць простага, звычайнага чалавека, які жыве сваім жыцьцём і вырашыў чамусьці падпісацца на ГУБАЗіК і па вечарах чытаць пра рэпрэсіі

-- Мне гэта таксама незразумела. Гэта нейкая форма псыхалягічнай нестабільнасьці і залежнасьці, мазахізму...

— І сапраўды, гэта нейкая псыхалягічная траўма. Зразумела, калі гэтыя каналы чытаюць тыя, каму гэта неабходна па працы — праваабаронцы, якія там шукаюць інфармацыю пра рэпрэсіі, аглядальнікі прапаганды. Але калі іх добраахвотна чытаюць апанэнты рэжыму... Гэта сапраўды нейкі мазахізм, бо ўсе гэтыя каналы накіраваныя на тое, каб палохаць пратэставую аўдыторыю, навязваць ёй розныя жахі. Людзі ўсё гэта глядзяць, і таму ўлада гэтыя каналы падтрымлівае, улада празь іх запалохвае пратэставую частку грамадзтва.
https://d2r0s1pmhg5xrd.cloudfront.net/a/31951566.html