Перамога Ўкраіны ў вайне наблізіць зьмену рэжыму ў Беларусі. | Цыганкоў

Перамога Ўкраіны ў вайне наблізіць зьмену рэжыму ў Беларусі.

Палітоляг Усходнеэўрапейскага стратэгічнага форуму, былы супрацоўнік Адміністрацыі прэзыдэнта Беларусі Анатоль Котаў разважае пра каштоўнасьці і настроі беларускіх чыноўнікаў, тлумачыць, чаго найбольш баіцца бюракратыя, і заяўляе, што беларускі рэжым будзе працягваць рэпрэсіі, пакуль не разваліцца.

Котаў: Вядома, сыстэма ня можа адрэагаваць на самую галоўную патрэба грамадзян — замену самой сыстэмы. Пасьля 2020 году з сыстэмы выйшла шмат людзей, і гэта былі ня самыя кепскія работнікі. Пераважна сышлі сумленныя прафэсіяналы, большасьць зь якіх лічылі, што яны працуюць ва ўладзе на карысьць беларускай дзяржавы, а не на Лукашэнку.

Таксама назіраецца і стомленасьць самой сыстэмы, якая вымушаная працаваць амаль у ваенных умовах; ніхто ня ведае, якія задачы і даручэньні выконваць. Сыстэма паступова вымывае людзей, якія вераць у нейкія ідэі, у патрыятызм — застаюцца толькі тыя, якія ўмеюць «хістацца разам зь лініяй партыі», якая можа зьмяняцца кожны дзень. На сёньня ў чыноўніка павінна быць толькі адна бясспрэчная каштоўнасьць — гэта ляяльнасьць і пэрсанальная адданасьць Лукашэнку. А тут яшчэ грамадзяне нешта ад гэтай сыстэмы патрабуюць — вельмі некамфортная сытуацыя для чыноўніка.

https://svaboda.global.ssl.fastly.net/a/31902341.html?fbclid=IwAR20zGEfYO3GrNygFUivfRZaz_5IEdesSM7bsNKBK3vYPu_nuNipHVNI3Sc