2020-10-02 10:20:07
ЗАЯВА ФК ТАРПЕДА (МЕНСК) ДАТЫЧНА АПОШНІХ КАЛЯСПАРТЫЎНЫХ ПАДЗЕЯЎ
Сябры!
ФК Тарпеда (Менск) заяўляе, што ў сувязі з апошнімі каляспартовымі падзеямі прыпыняе свой удзел у Чэмпіянаце г. Менска па футболе.
Мы ня можам і ня мусім мірыцца з тым беззаконьнем, якое творыцца навокал: цкаваньне школы плаваньня Аляксандры Герасімені, 15-цідзённы арышт Алёны Леўчанкі па сфальшаванай справе, дыскваліфікацыя ГК Віцязь-Леон за выказваньне сваёй грамадзянскай пазіцыі, пагрозы ў бок іншых падпісантаў звароту спартоўцаў – сорам і ганьба тых, хто прыймаў такія рашэньні.
Мы ганарымся ўсімі спартоўцамі, якія годна праходзяць праз ціск, не здаюць сваіх пазіцыяў і ня здраджваюць сваім прынцыпам.
Дзякуем супернікам за ўсе праведзеныя матчы і заклікаем іншых далучацца да кампаніі спартовай і грамадзянскай салідарнасьці.
Верым, што наступныя чэмпіянаты ва ўсіх відах спорту будуць праводзіцца ў Беларусі выключна па прынцыпах Fair-Play.
731 viewsedited 07:20
T
