Спадчына

2022-06-11 17:21:34 Я: Хачу ахоўны статус для падмуркаў касцёла ў Стоўбцах
Райвыканкам: Пойдзем, у нас дома ўжо ёсць ахоўны статус для падмуркаў касцёла.
Ахоўны статус дома: *бульдозеры* Адкрыць / каментаваць

2022-06-11 11:03:45 Новыя дзверы і вітраж у Беларусбанку па вуліцы Леніна ў Мінску. Вітраж металічны, але імітуе гістарычны колер драўляных запаўненняў і іх профіль. Для параўнання здымак суседняга вітража, зробленага ад балды.

#мінск #дэталі #дзверы #вокны #савецкаяспадчына Адкрыць / каментаваць

2022-06-10 12:46:15 Помнік Коласу адчаліў у Стоўбцы.

#помнікі #Стоўбцы Адкрыць / каментаваць

2022-06-09 19:16:00 Тэнт, які закрывае ўвесь фасад паштовай станцыі ў Слаўгарадзе, як стала вядома з адказу райвыканкама, вісіць там аж з 2017 года. Шэсць гадоў грамадзяне пазбаўлены доступу да культурнай спадчыны, які гарантаваны беларускім заканадаўствам. Павешаны тэнт быў «у мэтах забеспячэння бяспекі і захавання будынка». Можа ў падпісчыкаў ёсць ідэі, як ануча можа забяспечваць захаванасць будынка? У мяне няма. Райвыканкам кажа, што засталося памучыцца ўсяго нічога - гады тры-чатыры, пакуль у 2025 годзе не скончыцца дзяржпраграма «Культура Беларусі» і станцыю не пераробяць у музей. Але нешта падказвае, што ў цяперашняй рэчаіснасці ніякая рэканструкцыя помнік не чакае, а ануча працягне вісець на фасадзе і хаваць пад сабой разбурэнні.

#дэградацыя #Слаўгарад Адкрыць / каментаваць

2022-06-08 09:44:08 У Мінску за $600 000 ізноў спрабуюць прадаць ваданапорную вежу. Вялікія спрэчкі выклікала канцэпцыя ў канцы артыкула, дзе над вежай надбудаваны трохпавярховы аб'ём. Тут хочацца адзначыць, што рэканструкцыя воданапорных вежаў няпростая задача, тым больш калі гэта помнік архітэктуры, бо плошча маленькая, камунікацыя складаная, без кампрамісаў ніяк не абысціся. Што да надбудовы, то на мой погляд яна імітуе металічны бак (які тут, праўда, быў унутры), аддзелка з «іржавай» кортэн-сталі, па-першае, стасуецца з цёмным колерам мура, а па-другое, яго перфарацыя не дае сябе падмануць - аб'ём успрымаецца як новы і не блытаецца з аўтэнтыкай. Уначы будзе ліхтар, што і бачна на рэндары. Памятаючы папярэднія варыянты з кіламетрамі люстранога шкла - гэты варыянт самы адэкватны і сучасны.

P.S. Анлайнеру — у архітэктары вежы няма амаль НІЧОГА ад готыкі, гэта тыповая цагляная эклектыка.
#мінск #прамысловаяархітэктура #рэканструкцыя Адкрыць / каментаваць

2022-06-07 10:16:28 5 мая Мінскі абласны савет па пытаннях гісторыка-культурнай спадчыны адмовіў у прысваенні ахоўнага статусу царкве Святой Ганны ў Стоўбцах і руінам касцёла ў Раванічах Чэрвеньскага раёна з фармулёўкай «отсутствует необходимость». Менавіта такая фармулёўка адмовы закладзена ў Кодэксе аб культуры, што на мой погляд з'яўляецца памылкай, бо ніяк не тлумачыць канкрэтнай прычыны, пад гэтай фразай можа быць што заўгодна. Савет патлумачыў, што аб'екты «не в полной мере соответствуют критериям» выкладзеным у артыкуле 92 Кодэкса. Але і тут незразумела што гэта значыць? Не здзіўлюся, калі савет лічыць, што культурныя каштоўнасці павінна адпавядаць усім словам праз коску, прыведзеным у кожным пункце, бо цяжка ўявіць, што хаця б па адным з іх (больш не трэба згодна з тым жа Кодэксам) храмы не могуць быць узяты пад ахову.

Хочацца нагадаць, што ў гэтым годзе у Стоўбцах Дзень беларускага пісьменства, у Беларусі Год гістарычнай памяці, а ў горадзе НІВОДНАГА афіцыйнага помніка архітэктуры дагэтуль няма.
#ахова #стоўбцы #цэрквы Адкрыць / каментаваць

2022-06-06 16:31:07 Эксізныя варыянты летніх тэрас для Віцебска.

#Віцебск #тэрасы Адкрыць / каментаваць

2022-06-06 16:29:07 Аб летніх тэрасах #тэрасы https://telegra.ph/Ab-letn%D1%96h-tehrasah-04-20 Адкрыць / каментаваць

2022-06-06 16:29:07 Аб летніх тэрасах #тэрасы https://telegra.ph/Ab-letn%D1%96h-tehrasah-04-20 Адкрыць / каментаваць

2022-06-05 09:36:06 У Магілёве з дома па Першамайскай вуліцы, 7, які ўваходзіць у склад гістарычнага цэнтра, спілавалі балкон з аўтэнтычнай каванай агароджай. Паводле адказу з гарвыканкама, балкон пагражаў жыццям людзей, таму яго дэмантавалі. Але выканаўцаў, якія рабілі гэта без узгаднення, пакаралі па адміністрацыйнай справе. Балкон абяцаюць вярнуць у рамках бягучага рамонту, які плануецца ў гэтым годзе. Вось толькі нявысветленным застаецца сітуацыя з агароджай: яе дэмантавалі і выкінулі, ці яна працягвае недзе зберагацца?

P.S. Звярніце ўвагу, як за пару год змянілася рэклама ў горадзе на гісторыка-культурнай каштоўнасці - патроху пачалі прыводзіць у адпаведнасць з нормамі пасля шматлікіх зваротаў.
#дэталі #Магілёў #ахова #дэградацыя #рэклама #гістарычнаязабудова Адкрыць / каментаваць