Спадчына

2022-07-15 13:21:12 Адкрыць / каментаваць

2022-07-14 09:36:21 Збіральнік магілёўскіх фотаздымкаў Алег Лісоўскі выявіў калекцыю з дзясяткаў фотаплёнак, на якіх сярод іншага ёсць каляровыя здымкі Магілёва. Гэтая калекцыя выстаўлялася раней, але была нечакана знята з продажу. Вы можаце дапамагчы выкупіць яе цяпер.

#магілёў #аўкцыёны Адкрыць / каментаваць

2022-07-11 08:26:24 Цяпер брукаванка пад Стоўбцамі выглядае так.

#Стоўбцы #дарогі #знішчэнне Адкрыць / каментаваць

2022-07-08 09:25:39 У Наваельні аднавілі мемарыяльную гонар Канстытуцыі 3 мая. Атрымалася не вельмі дакладна. Па-першае, база хоць і захавалася вельмі блага, хутчэй за ўсё мела нейкі карнізік. Па-другое, маючы захаваныя фрагменты тынку аднаўляльнікі чамусьці выкарысталі зусім іншыя архітэктурныя абломы, так нізе ствала калоны была ўвагнутая выкружка, але зрабілі чацвяртны вал. Паясок над выкружкай быў меншы за паясок пад ёй, а цяпер наадварот. На цязе, што размешчана пасярэдзіне калоны, таксама ад балды выкарыстаны профілі, якія толькі нагадваюць аўтэнтычныя. Па-трэцяе, наверса калоны гістарычна была драўляная скульптура Святога Яна, а не каваны крыж.

#Наваельня #помнікі #аднаўленне Адкрыць / каментаваць

2022-07-07 18:44:46 Пад Стоўбцамі ўзрыта брукаваная дарога. Брукаваны ўчастак тракту «Новы Свержань – Мір» (брукаваная праезджая частка, узбочына, прыдарожныя пасадкі дрэў) унесены ў Дзяржаўны спіс гісторыка-культурных каштоўнасцей (шыфр 613Г000667). Праверыць, ці адносіцца ўзрыты ўчастак да ўзятай пад ахову часткі тракту пакуль не можам.

Нагадаем, што ў Стоўбцах актыўна рыхтуюцца да Дажынак.

#дарогі #Стоўбцы #разбурэнне Адкрыць / каментаваць

2022-07-07 10:50:45 Імітацыя каменнай муроўкі на фасадзе называецца рустоўкай. Больш звыклае слова руст хутчэй адносіцца да шва. Самі «камяні» называюцца квадрамі. Тып рустоўкі залежыць ад профілю ці чляненняў шва і выгляду квадраў. Сам руст, як бачна на схемах, можа стварацца як выцягваннем (як карнізы і ліштвы) па тынку, так і набіваннем, нарэзкай і іншымі спосабамі.

Давайце паглядзім, якія тыпы рустоў можна ўбачыць у Беларусі:
* Грэчаскі руст — чаргаванне радоў звычайных і вузкіх квадраў. Магілёўскае рэальнае вучылішча (1885). Падаецца гэты тып найбольш рэдкі на Беларусі, нідзе больш пакуль не заўважаў. Але ў чаце знайшлі яшчэ некалькі будынкаў.
* Сколаты руст — імітацыя груба часаных камянёў. Там жа, ніжні ярус.
* Прызматычны руст — гранёныя прамавугольныя квадры. Будынак «Белэнерга» у Мінску (1950—1952).
* Алмазны руст — гранёныя квадратныя квадры. Мінскае сувораўскае вучылішча (1953).
* Французскі руст — гарызантальныя швы-русты без падзелу на квадры. Кітайская альтанка ў Залессі (1810-я).

#лікбез #дэталі Адкрыць / каментаваць

2022-07-06 17:37:33 Упраўленне па адукацыі Савецкага раёна Мінска патлумачыла прычыну, чаму затынкавалі мазаіку на гімназіі №15:
«Керамическая плитка фасада гимназии имеет многочисленные трещины, неровности, сколы, местами плитка отслоилась от стен, проступила штукатурка и видны стены из кирпича, которые под воздействием атмосферных осадков разрушаются. Износ мозаичной композиции составляет 40%».

Як справядліва адзначае мастацтвазнавец Кацярына Рускевіч у артыкуле, а як яны вылічылі гэты працэнт? Палічылі колькасць страчаных фрагментаў?

Акрамя таго ўсё яшчэ адстунічае адказ, чаму для мазаікі, якая з'яўляецца па вызначэнні манументальна-дэкаратыўным творам, парушаны рэгламент узгаднення рэканструкцыі? Усе робяць выгляд, што ні Пастановы Саўміна па гэтым пытанні, ні мастацкага савета пры выканкаме — не існуе.

#мінск #савецкаяспадчына #роспісы Адкрыць / каментаваць

2022-07-06 17:15:58 Новы ўласнік памяшкання «Зярна» на вуліцы Леніна ў Мінску не ацаніў дызайнерскія вынаходствы папярэднікаў і тупа зашыў усе раскрытыя роспісы гіпсакардонам і нацяжной столяй у «карпаратыўных колерах».

Цікава, калі роспісы былі ўнесены ў пашпарт гісторыка-культурнай каштоўнасці, ці дазволена «стварэнне перашкод для візуальнага ўспрымання іх аб'ёмна-прасторавых асаблівасцей, элементаў і дэталей архітэктурнага дэкору» паводле арт. 110 Кодэкса аб культуры?

#мінск #савецкаяспадчына #інтэр'еры #роспісы Адкрыць / каментаваць

2022-07-06 09:09:17 У канцы 2005 на армянскія могілкі ў Джульфе ў азербайджанскім анклаве Нахічэвань прыбылі рабочыя, якія пачалі вынішчаць старажытныя хачкары — разьбяныя каменныя надмагіллі.

Нягледзячы на шматлікія дакументальныя сведчанні, азербайджанскія афіцыйныя асобы або адмаўлялі, што пахаванні былі армянскімі, або сцвярджалі, што там могілак ніколі не было.

Многія крытыкавалі маўчанне з боку ЮНЕСКА пасля разбурэння Джульфы і параўноўвалі яго з рашучым адказам арганізацыі на знішчэнне ў 2001 гіганцкіх статуй Буды талібамі ў Афганістане і старажытнага горада Пальміра баявікамі «Ісламскай дзяржавы» ў Сірыі ў 2015.

Расследаванне, праведзенае OCCRP, паказала, што ў 2012–2014 гг. ценявыя кампаніі, звязаныя з Азербайджанам, заплацілі 468 тысяч долараў Каліну Мітраву — мужу Ірыны Бокавай, якая тады была гендырэктарам ЮНЕСКА.

Армяне ўспрымаюць знішчэнне могілак як культурны генацыд, але трэба адзначыць, што вынішчэнне спадчыны варожага народа адзначаецца з абодвух бакоў.

#могілкі #замежжа #Арменія #Азербайджан Адкрыць / каментаваць

2022-06-23 12:59:54 Палацава-паркаваму ансамблю Савейкі Брэсцкім абласным камітэтам прыродных рэсурсаў і аховы навакольнага асяроддзя прад'яўлена прэтэнзія аб незаконнай высечцы дрэў. Вядзецца адміністрацыйная працэдура.

#савейкі #сядзібы #паркі #знішчэнне Адкрыць / каментаваць