2022-08-02 12:48:02
#мой_кут
Беларусь - мая краіна, мая маці, мая зямля!
Зямля, якая мяне выхавала, дала сілы!
Мае бацькі і дзяды з прадзедамі жылі тут!
Гадавалі дзяцей, будавалі хаты, жылі і баранілі яе ад ворагаў!
Квітней, мая мілая Беларусь! Разгарні свае крылы і ляці!
Нажаль, тваіх дзяцей цяпер катуюць, але ты адродзішся. Я веру ў гэта ўсім сэрцам і ўсёй душой!
Ты мая! Мая душа:
я - частка цябе, а ты - частка мяне!
Я вярнуся да цябе, мая мілая!
Вярнуся, каб аддаць цябе сваім дзецям і ціха памерці ў тваіх абдымках!
Адкрываючы цыкл артыкулаў пра Беларусь, мы імкнемся нагадаць нашым чытачам аб тым, якая выдатная наша Радзіма.
Версій аб паходжанні нашага краю вельмі шмат. Мы ня будзем падрабязна спыняцца на гэтым.
У IX - XII ст. землі Беларусі ўваходзілі ў склад Кіеўскай Русі (Полацкае і Тураўскае княства). Па нашай зямлі праходзіў шлях з варагаў у грэкі.
У 1240 г. у выніку пашырэння сваіх зямель Міндоўгам паўстала Вялікае княства Літоўскае.
У XIII - XIV ст. адбываліся працэсы фарміравання зямель княства. Нашы продкі адбівалі напады крыжакоў з захаду і мангола-татар з усходу. Вера нашых продкаў была і паганскай, і праваслаўнай, і каталіцкай, г.зн. шматканфесійнай.
Найбольш яскравыя гістарычныя асобы таго перыяду - князі Гедымін, Альгерд, Вітаўт. Сталіцай Вялікага Княства Літоўскага стаў горад Вільня.
Пасля Лівонскай вайны ў 1569 годзе Вялікае княства Літоўскае заключыла Люблінскую унію з Польскім каралеўствам, што замацавала канчатковае аб'яднанне зямель супраць Маскоўскай пагрозы. Рэч Паспалітая - так называлася новае аб'яднанне. Яно было адным з самых развітых еўрапейскіх краiн таго часу.
Але ў другой палове XVII-XVIII ст. Рэч Паспалітая паступова слабела.
У выніку гэтага, пасля трэцяга Падзелу Рэчы Паспалітай у 1795 годзе Вялікае княства Літоўскае перастала існаваць, і яго землі ўвайшлі ў склад Расійскай імперыі.
Нефармальна тэрыторыі Беларусі ў той перыяд насілі назву Паўночна-Заходні край. Праходзіла жорсткая русіфікацыя.
Вайна 1812 г., Першая Сусветная вайна пакінулі свой след. Бо ў перыяд з 1795 года да пачатку ХХ стагоддзя Беларусь была ў складзе Расійскай імперыі.
25 сакавіка 1918 года была абвешчана незалежнасць Беларускай Народнай Рэспублікі.
У 1922 годзе землі Беларусі (БССР) увайшлі ў склад Савецкага Саюза.
Другая Сусветная вайна і пасляваенны час былі цяжкімі для нашай краіны. Але пасля распаду СССР і набыцця незалежнасці Беларусь стала Парламенцкай Рэспублікай.
У выніку прэзідэнцкіх выбараў 1994 года пасаду заняў грамадзянін Лукашэнка. Парламенцкая рэспубліка была ператворана ў парламенцка-прэзідэнцкую, а пазней, у 1996 годзе ў прэзідэнцкую рэспубліку.
Улада была ўзурпавана адным чалавекам і яго асяроддзем. Выбары 2001, 2006, 2010, 2015, 2020 гг. паказалі нам, што з уладай гэты чалавек не хоча расставацца і будзе абараняць сябе ўсімі даступнымі сродкамі і метадамі.
Аднак, мы верым, што рана ці позна наша мілая зямля стане свабоднай, у ёй запануюць спакой і свет. Кожны беларус зможа стаць паўнавартасным грамадзянінам і ня будзе баяцца выходзіць на вуліцу, сесці ў турму, адкрыта выказваць сваё меркаванне.
Толькі разам мы зможам адрадзіць ганарлівы і вольны дух нашых продкаў.
Жыве Беларусь!
P. S. А што думаеце вы з гэтай нагоды, беларусы? Пакідайце свае каментары пад гэтым пастом, або пішыце ў бот. Нам важна Ваша меркаванне.
З павагай, каманда FreeInfoBel.
channel | chat | bot | youtube | insta | fb
145 views09:48
Р
