ЯК ПА-БЕЛАРУСКУ „БЕСПРЕДЕЛ“?* Слова з расейскай крымінальнай мовы, азначае невыкананьне правілаў, у тым ліку нават „паняцьцяў“ злачыннага сьвету.
* У Расеі слова „беспредел“ пранікла ў літаратурную мову і стала знакам эпохі.
* Наша ўзьнёслае, паэтычнае слова
бязьмежжа — зусім не „беспредел“. А
сіняе бязьмежжа — гэта не „беспредел синих“.
* У Вялікім Княстве Літоўскім дэманстратыўную непавагу да законаў называлі
сваволя. І жорстка каралі незалежна ад статусу вінаватых.
* Разьмяжоўваем:
сваволя — дзікая, нахабная, годная кары.
Свавольства — бяскрыўднае, дзіцячае.
* Іншыя беларускія словы для крайняга беззаконьня —
бясчынства, бяспраўе, самаволя.
Артыкул: https://d2r0s1pmhg5xrd.cloudfront.net/a/svavola/31010473.html
