Сярод думаючых беларусаў, здаецца, ужо не засталося асобаў, якія б ня ўбачылі і не зразумелі, што
выбарчы праект 2020 года з Бабарыкам-Цапкалам і Ціханоўскімі – гэта шматхадовы эфэсбоўскі план Крамля, аформлены праз Газпрам і яго арганізацыі ў Беларусі.
Сутнасьць праекту – стварэньне ўмоваў для фармальна дэмакратычнай замены нелегітымнага Лукашэнкі на іншага, дэмакратычна абранага
стаўленьніка Крамля. Для Масквы гэта было важна, каб зрабіць анэксію Беларусі з апорай на легітымную прамаскоўскую ўладу і на легітымнага прэзыдэнта. Лукашэнка тым часам псаваў чысьціню афёры і ня ўпісваўся ў міжнароднае права.
Але ня ўсё пайшло для Масквы гладка. Сотні тысячаў беларусаў выйшлі на пратэсты пад нацыянальным Бел-Чырвона-Белым Сьцягам. Рух набыў нацыянальна-палітычную афарбоўку.
Асьцерагаючыся народнай актыўнасьці і рэвалюцыйнага прыкладу для Расеі,
Крэмль падтрымаў Лукашэнку, махнуў рукой на сваіх «сядзельцаў» (якіх Лукашэнка засадзіў надоўга).
Урывак заявы Зянона Пазьняка ад 04/07/22Зянон Пазьняк | Падпісацца
