Плюс шэсць. У Беларусі ўжо 532 палітвязні
Праваабаронцы прызналі яшчэ шэсць чалавек палітычымі зняволенымі. Пра гэта гаворыцца ў адмысловым звароце на сайце «Вясны».
Палітвязнямі 1 ліпеня прызнаныя Валерый Богдан, Юрый Седзянеўскі, Уладзімір Седзянеўскі, Андрэй Герасімовіч, Дзмітрый Вакуленка і Анастасія Ярашэвіч.
Усіх іх вінавацяць паводле артыкулаў за гвалт або супраціўленне сілавікам. Праваабаронцы нагадваюць, што сходы былі мірнымі, дзеянні сілавікоў — непрапарцыйна жорсткімі.
