Новы Час

2022-07-09 21:26:10 Што адбылося 9 ліпеня:

Расійскія войскі абстралялі Крывы Рог

Рэйд КДБ па РНПЦ дзіцячай анкалогіі: затрыманыя двое супрацоўнікаў

Шры-Ланка: пратэстоўцы штурмуюць дом прэзідэнта пасля сутыкнення з паліцыяй

Беларускую валанцёрку Карыну Пацёмкіну высылаюць з Украіны

З 9 ліпеня Польшча пачынае выдаваць гуманітарны від на жыхарства беларусам

На Майдане ў Кіеве ўсталявалі бел-чырвона-белыя сцягі з прозвішчамі загінулых добраахвотнікаў

У Смаргоні за «экстрэмізм» асудзілі ксяндза

Беларускія ўлады хочуць павялічыць падатковую нагрузку для ІП

Украіна рыхтуецца да магчымага наступу з Беларусі: мініруе праходы і ставіць загароды Адкрыць / каментаваць

2022-07-09 21:03:01 Украіна рыхтуецца да магчымага наступу з Беларусі: мініруе праходы і ставіць загароды

Камандуючы Аб'яднаных сіл Узброеных сіл Украіны генерал-лейтэнант Сяргей Наеў наведаў пазіцыі ўкраінскіх вайскоўцаў на поўначы, а таксама праверыў падрыхтоўку да магчымага наступу з Беларусі. Пра гэта паведамляе прэс-служба камандавання Аб'яднаных сіл УСУ.

Па словах Наева, абарончыя рубяжы павінны стаць непраходным «шчытом», каб не паўтарыўся наступ з тэрыторыі Беларусі.

«Цяпер сітуацыя цалкам кантралюецца вайсковымі часткамі УСУ, падраздзяленнямі Дзяржаўнай памежнай службы, падраздзяленнямі іншых ваенных фарміраванняў і праваахоўных органаў. Штодня нашы абаронцы выконваюць комплекс мерапрыемстваў па паляпшэнні інжынернага абсталявання абарончых пазіцый», — заявіў генерал-лейтэнант падчас сустрэчы з абаронцамі мяжы.

Падрабязней (з Беларусі можа спатрэбіцца VPN) Адкрыць / каментаваць

2022-07-09 20:28:47 Беларускія ўлады хочуць павялічыць падатковую нагрузку для ІП

Міністэрства па падатках і зборах “падумае” над павелічэннем падатковай нагрузкі для індывідуальных прадпрымальнікаў. Пра гэта заявіў намеснік міністра па падатках і зборах Ігар Скрыннікаў.

Варта згадаць, што з 2022 года беларускімі ўладамі была абмежаваная магчымасць прымянення спрошчанай сістэмы падаткаабкладання для часткі ІП, а з 2023 года гэтая частка плацельшчыкаў у прынцыпе не будзе мець права ўжываць спрошчаную сістэму.

Падрабязней (з Беларусі можа спатрэбіцца VPN) Адкрыць / каментаваць

2022-07-09 19:51:36 Што пачытаць суботнім вечарам? Аўтарскія артыкулы Новага Часу, якія вы маглі прапусціць:

Рэжым Лукашэнкі і камуністы: Як у Беларусі руйнавалі вайсковыя могілкі

Чаму беларускі футбол не адхілены ад міжнародных матчаў? Таму што ён бездапаможны

«ЕГУ — люстэрка беларускага грамадства». Еўрапейскаму ўніверсітэту пагражае русіфікацыя?

Кёнігсберг. Калінінград. Каралявец. Дзівосная гісторыя месца, якое прыцягвае пільны геапалітычны позірк

Агмень: медытацыя-пазбаўленне ад трывожнасці і страхаў

Сусветныя цікавосткі: Вайна паміж маркамі, тэст на любоў да партыі, французскія гурманы і лёс жабак

«Паўстань, народ! Прачніся, беларусе!» Да 140-годдзя Янкі Купалы.

Звязацца з рэдакцыяй і падзяліцца інфармацыяй можна праз Адкрыць / каментаваць

2022-07-09 19:27:45 У Гродне ліквідуюць чатыры грамадскія арганізацыі, у тым ліку байцоўскі клуб.

З канца чэрвеня ў судзе ліквідуюць наступныя арганізацыі:

Гродзенскае грамадскае сямейнае аб'яднанне «Парадыгма»;

Гродзенскае абласное грамадскае аб'яднанне «Чатыры ветры»;

Дзіцяча-юнацкае грамадскае аб'яднанне «Спартыўна творчая студыя ФАЕР»;

Грамадскае аб'яднанне «Байцоўскі клуб «Чорная пазнака»;

З пачатку года ў Гродне ліквідавалі абласны спартыўна-патрыятычны клуб «Гонар Радзімы», Гродзенскае абласное грамадскае аб'яднанне былых малалетніх вязняў фашысцкіх канцлагераў, «Краязнаўчае таварыства — Коматава», «Устойлівае развіццё вёскі». Прычынай ліквідацыі ў большасці выпадкаў сталі парушэнні ў дакументацыі, якія самі старшыні называлі нязначнымі.

Масавая ліквідацыя пачалася ў Беларусі летам 2021 года. Больш за 10 арганізацый у Гродне ліквідавалі па рашэнні суда, сем — па рашэнні выканкамаў, некаторыя пачалі працэс ліквідацыі самастойна.

Падрабязней (з Беларусі можа спатрэбіцца VPN) Адкрыць / каментаваць

2022-07-09 18:50:21 Забойца экс-прэм'ера Японіі патлумачыў матывы свайго ўчынка

Як паведаміла паліцыя, падазраваны прызнаўся, што застрэліў Абэ. Ён растлумачыў, што меў крыўду на пэўную рэлігійную арганізацыю, да якой, на яго думку, быў датычны былы прэм'ер-міністр.

Стралок распавёў паліцыі, што яго маці была «глыбока ўцягнутая» ў арганізацыю і ахвяравала шмат грошай, што пацягнула за сабой сур'ёзныя праблемы для яго сям'і.

67-гадовы Абэ памёр у адной з бальніц.

Дэталі (з Беларусі можа спатрэбіцца VPN) Адкрыць / каментаваць

2022-07-09 18:08:00 З футбольнага клуба «Віцебск» прыбралі траіх гульцоў — падпісантаў за Лукашэнку. Магчыма, за п'янку

Мінулымі днямі з каманды «Віцебск», якая гуляе ў вышэйшай лізе, сышлі тры футбалісты — Глеб Расадкін, Андрэй Лебядзеў і Яраслаў Яроцкі. Усе яны летась падпісалі адкрыты ліст праўладных спартсменаў. Далікатную версію растання з гульцамі прывёў у сваім тэлеграм-канале тэлекаментатар Уладзіслаў Татур.

«Гумарэска з Віцебска, — піша Уладзіслаў Татур. — Кажуць, гульцоў першай каманды правяралі на алкатэстары. Адсюль і сыход некаторых футбалістаў. І страчаная сувязь паміж калектывам і галоўным трэнерам».

Татур вядомы сваімі футбольнымі інсайдамі, якія звычайна спраўджваюцца.

https://novychas.online/sport/z-futbolnaha-kluba-vicebsk-prybrali-traih-hulcou Адкрыць / каментаваць

2022-07-09 17:47:11 Пазьняк заклікаў беларускіх вайскоўцаў павярнуць зброю супраць улады, калі ім загадаюць ваяваць з Украінай

Паводле Пазьняка, у выпадку такога загаду вайскоўцы маюць тры шляхі:

Першы шлях — «ганебны і самагубчы для Вас і для гонару нашай краіны» — падпарадкавацца, ступіць на Ўкраіну са зброяй і забіваць украінцаў на іхняй зямлі, «і таксама прыняць ад іх сваю бессэнсоўную сьмерць».

Другі шлях — падняць белы сьцяг і перайсьці на бок украінцаў. «Вы будзеце абаронены міжнароднымі законамі. Гэта не палон. Адмова ад чужой маскоўскай несправядлівай вайны, адмова быць агрэсарам, адмова ваяваць з суседам забясьпечыць Вам статус жыцьця ў любой краіне ААН альбо магчымасьць (хто пажадае) ваяваць супраць рашысцкага мордара на баку ўкраінцаў у беларускіх вайсковых аддзелах».

Трэці шлях — гэта «шлях герояў і патрыётаў Айчыны. Перагрупавацца, павярнуць назад і пайсьці на Менск вызваляць Беларусь ад акупацыі прамаскоўскага рэжыму».

Падрабязней (з Беларусі можа спатрэбіцца VPN) Адкрыць / каментаваць

2022-07-09 17:17:27 Расійцы забілі 100 украінскіх спартсменаў і трэнераў

«Расійцы забілі 100 украінскіх спартсменаў і трэнераў, — піша міністр моладзі і спорту Украіны Вадзім Гутцайт. — Яны загінулі на полі бою і ад варожых абстрэлаў. Мужчыны і жанчыны. Дарослыя і дзеці. Чацвёра паранены. Яшчэ 22 знаходзяцца ў палоне».

Міністр дадаў, што ўлады прыкладаюць усе намаганні, каб вярнуць іх дадому жывымі.

Падрабязней (з Беларусі можа спатрэбіцца VPN) Адкрыць / каментаваць

2022-07-09 16:37:42 Вайсковы грузавік (меркавана, расійскі) зваліўся ў кювет на трасе Мінск — Бабруйск

Ён рухаўся ў калоне з іншымі грузавікамі, на бартах якіх намаляваная літара «V».

Пра калону КамАЗаў УС РФ з літарамі «V» на дзвярах удзень 9 ліпеня паведамілі тэлеграм-каналы. У калоне заўважаныя прыкладна 10 адзінак тэхнікі.

Сярод іх — машыны сувязі на базе КамАЗ і тэнтаваныя грузавікі. Некаторыя з іх цягнуць генератары, а да кабіны аднаго з грузавікоў прымацаваны сцяг СССР.

https://novychas.online/palityka/vajskovy-hruzavik-merkavana-rasijski-zvaliusja Адкрыць / каментаваць