Урачыстае адкрыццё залы цяжкай атлетыкі для навучэнцаў адбылося ў Чавусах
Ад задумы да рэалізацыі прайшло ўсяго некалькі тыдняў. Дзякуючы ўсебаковай дапамозе, было аператыўна праведзена поўнае пераабсталяванне звычайнага вучэбнага класа ў Цэнтры дадатковай адукацыі дзяцей і моладзі.
— Быў адпаведны запыт ад дзяцей і іх бацькоў. Нашу ініцыятыву падтрымалі мясцовыя выканаўчыя ўлады. Дапамаглі таксама спонсары, задзейнічалі і свае пазабюджэтныя сродкі, — паведаміў начальнік аддзела па адукацыі Чавускага райвыканкама
Дзяніс Нікіфараў.
У памяшканні правялі рамонтныя работы, замянілі простае падлогавае пакрыццё на больш трывалае спецыялізаванае, устанавілі неабходнае абсталяванне і інвентар.
На заняткі цяжкай атлетыкай ужо запісаліся
24 навучэнцы. Сярод іх ёсць як хлопчыкі, так дзяўчынкі.