Адразу два 100-бальныя вынікі на ЦТ атрымала Настасся Більдзь з Ліды
Выпускніца сярэдняй школы № 8 Ліды на цэнтралізаваным тэсціраванні здавала беларускую мову, матэматыку і фізіку. Першыя два прадметы прынеслі ёй найвышэйшы бал.
І калі па матэматыцы дзяўчына чакала такога выніку, то выпрабаванне па беларускай мове нечакана парадавала. У выпускніцы высокі сярэдні бал атэстата –
10. Настасся ўдзячна сваім педагогам: настаўніцы беларускай мовы і літаратуры і класнаму кіраўніку
Наталлі Яцкевіч і настаўніцы матэматыкі
Жанне Бурнос.
Выпускніца прызналася, што ёй па душы матэматыка. Гэта і вызначыла выбар будучай прафесіі – дзяўчына збіраецца паступаць у Беларускі дзяржаўны ўніверсітэт інфарматыкі і радыёэлектронікі на спецыяльнасць “Інфарматыка і тэхналогіі праграмавання”.
