Наша Ніва

2022-10-19 05:20:47 The account of the user that owns this channel has been inactive for the last 5 months. If it remains inactive in the next 18 days, that account will self-destruct and this channel may no longer have an owner. Адкрыць / каментаваць

2022-05-06 12:17:54 Сацыёлагі даведаліся, што будуць рабіць беларусы, калі вайна распаўсюдзіцца на нашу краіну

Сhatham House апублікаваў вынікі новага сацыялагічнага даследавання наконт стаўлення беларусаў да вайны. Як змяніліся настроі і сімпатыі?

https://nashaniva.com/289452

Без VPN — па гэтай спасылцы. Адкрыць / каментаваць

2022-05-06 12:12:54 МЗС РФ: Расійска-ўкраінскія перамовы знаходзяцца ў стане стагнацыі

Такую ацэнку даў намеснік дырэктара Дэпартамента інфармацыі і друку міністэрства замежных спраў Аляксей Зайцаў.

Зайцаў адзначыў, што «найбольш красамоўна аб нежаданні іх [перамовы] працягваць кажуць выказванні ўкраінскіх палітыкаў». Адкрыць / каментаваць

2022-05-06 11:32:52 Для пахавання дэзерціра Чэчкі беларускія ўлады выбралі могілкі ваяроў польска-савецкай вайны

«Ці гэта нармальна — хаваць дэцерціра побач з жаўнерамі, якія ў 1920 годзе палеглі ў баях з бальшавікамі?» — абураюцца беларусы ў сацсетках.

https://nashaniva.com/289528

Без VPN — па гэтай спасылцы. Адкрыць / каментаваць

2022-05-06 11:06:51 Сафіі Сапега прысудзілі 6 гадоў калоніі

Грамадзянку Расіі, затрыманую 23 мая 2021 года разам з Раманам Пратасевічам пасля пасадкі ў Мінску самалёта Ryanair, судзілі па сямі артыкулах.

Згодна з матэрыяламі справы, дзяўчына нібыта адміністравала шэраг тэлеграм-каналаў, чыя дзейнасць была накіравана на «дыскрэдытацыю дзейнай улады, распальванне сацыяльнай варажнечы і арганізацыю злачынстваў супраць асобных катэгорых грамадзян», і атрымлівала за гэта плату.

Падчас разбіральніцтва Сапега знаходзілася не ў клетцы, а разгляд справы адразу зрабілі закрытым.

Пасля прысуду дзяўчыну ўзялі пад варту. Адкрыць / каментаваць

2022-05-06 10:46:50 СААЗ: Ад кавіду памерлі як мінімум 15 мільёнаў чалавек

Гэта ў тры разы больш, чым меркавалася раней.

https://nashaniva.com/289516

Без VPN — па гэтай спасылцы. Адкрыць / каментаваць

2022-05-06 10:42:50 Германія перадасць Украіне сем самаходных артылерыйскіх установак PzH 2000

Пра гэта заявіла міністарка абароны ФРГ Крысціна Ламбрэхт падчас візіту ў Славакію, піша Reuters.

Ламбрэхт дадала, што на наступным тыдні можа пачацца навучанне ўкраінскіх вайскоўцаў карыстанню гэтым узбраеннем. Адкрыць / каментаваць

2022-05-06 09:56:48 Генпракуратура Украіны выклікала на допыт Шайгу, Валодзіна, Мядзведзева і іншых членаў Рады бяспекі РФ. Пуціну позву не выпісалі

Офіс генпракурора Украіны аб'явіў падазраванымі ў злачынстве і выпісаў позвы на допыт шэрагу членаў Рады бяспекі РФ. Пра гэта паведамляецца на сайце ведамства.

Сярод асоб, выкліканых на допыты 16, 17 і 18 мая — міністр абароны Сяргей Шайгу, намеснік старшыні Рады бяспекі Дзмітрый Мядзведзеў, спікер Дзярждумы Вячаслаў Валодзін, спікер Савета Федэрацыі Валянціна Мацвіенка.

Таксама позвы выпісаны дырэктару ФСБ Аляксандру Бортнікаву, кіраўніку Службы знешняй разведкі Сяргею Нарышкіну, міністру ўнутраных спраў Уладзіміру Калакольцаву, кіраўніку Расгвардыі Віктару Золатаву і паўнамоцнаму прадстаўніку прэзідэнта РФ у Цэнтральнай федэральнай акрузе Ігару Шчогалеву.

Генпракуратура Украіны таксама аб'явіла членаў Рады бяспекі РФ падазраванымі па справе аб замаху на тэрытарыяльную цэласнасць Украіны.

Прэзідэнту Расіі Уладзіміру Пуціну позву не выпісалі. Адкрыць / каментаваць

2022-05-06 09:38:48 TeamViewer сыходзіць з Беларусі і Расіі

У заяве кампаніі гэты крок тлумачыцца вайной супраць Украіны, якую развязала Расія. «Мы глыбока ўзрушаныя жахлівым нападам Расіі на Украіну. TeamViewer падтрымлівае ўніверсальныя каштоўнасці свабоды і дэмакратыі, і мы асуджаем любыя формы гвалту і агрэсіі», — гаворыцца ў заяве.

TeamViewer спыніць сваю дзейнасць у Беларусі і Расіі, а таксама адмовіцца ад кантрактаў з кліентамі з гэтых краін. Дзеючыя падпіскі будуць выконвацца да заканчэння кантракту, але не будуць падаўжацца. Усе неліцэнзійныя злучэнні з Расіі і Беларусі будуць заблакаваныя.

Кампанія бясплатна прапануе свае прадукты для карыстальнікаў з Украіны і ахвяруе больш за 750 000 еўра Чырвонаму Крыжу для аказання гуманітарнай дапамогі. Адкрыць / каментаваць

2022-05-06 09:13:46 Вайсковая пракуратура Чарнаморскага флоту паведаміла Дзмітрыю Шкрабцу (бацьку аднаго са зніклых маракоў з крэйсера «Масква»), што карабель не ўваходзіў у тэрытарыяльныя воды Украіны і не ўдзельнічаў у «спецаперацыі».

Сын Шкрабца, паводле версіі вайсковай пракуратуры, знік без вестак 13 красавіка «падчас надзвычайнага здарэння, якое прывяло да гібелі карабля».

«Працягваеце хлусіць ... галоўнае — не спыняйцеся. Тым прасцей будзе вас спыніць, нелюдзі», — напісаў Шкрабец. Адкрыць / каментаваць