Сябры, прадстаўляем вам новую калекцыю ў рубрыцы 'Класічная ад | Думаць Беларусь

Сябры, прадстаўляем вам новую калекцыю ў рубрыцы "Класічная адукацыя".

Аудыё-запісы тэкстаў філосафаў, інтэлектуалаў і грамадскіх дзеячаў, якія звяртаюцца да тэмы Адказнасці чалавека і межаў свабоды.

Гаворка ідзе перш за ўсё аб разуменні індывідуальнай адказнасці ў гістарычных сітуацыях, аб мужнасці дзеяння і мыслення, аб падставах для рашэнняў.
У калекцыі будуць прадстаўлены разважанні розных эпох: ад І.Канта, які кажа пра здольнасць карыстацца сваім розумам, і да У.Мацкевіча, які разважае пра мужнасць мець уласнае меркаванне. У калекцыю ўключаны таксама тэксты-рэфлексіі К. Ясперса, Х. Арэндт, Э. Фрома і В. Гавела, якія звернутыя да асабістай адказнасці ў таталітарных грамадствах, ва ўмовах масавага тэрору.

Сёння да вашай ўвагі два першых аўдыё:
І.Кант «Адказ на пытанне: што такое Асветніцтва?»
К.Ясперс «Пытанне вінаватасці. Аб палітычнай адказнасці Германіі» (пасляслоўе).

Слухайце, пампуйце, разважайце і абмяркоўвайце.