Мары ў цемры

2023-06-20 12:35:53 Сустрэліся ўночы дзьве душы,
І цемра іх адзіная сяброўка.
Ды пачакай, так хутка не бяжы,
Для нас з табою гэтая вандроўка

Я пакажу табе чароўны небасхiл,
Дрымотных зорак цiхую размову.
Убачым месяц, часу нават пыл,
Нашэпча ветрык сонную замову

Застанемся ў сусьвеце ты ды я,
Пяшчотна абдыму цябе за плечы.
I слоў ня трэба, мара вось мая,
Маё натхненьне сярод вечнае пустэчы Адкрыць / каментаваць

2023-06-14 00:08:47 Жыцьцё бурліць, жыцьцё зьмяняе мары,
Але заўсёды будзе мроіцца яно.
Тое мястэчка, дзе няма ні хмары,
Край той, дзе запалена сьвятло.

І дзе б ні быў, і як твой лёс не склаўся,
Заўжды цябе чакае родны дом.
І ціха просіць:”Пачакай, застанься..”
У цемры ён зазьзяе ліхтаром.

Бацькоўскі дом – бяздоннае багацьце,
Куточак запаветны на Зямлі.
Часьцей бывайце ў бацькоўскай хаце,
Яна чакае, вы б не забылі̀... Адкрыць / каментаваць

2023-06-02 11:10:39 Як мізэрны наш сьвет без усьмешкі,
Бы старонка забытая сонцам,
Дзе маленства чароўныя сьцежкі,
І пакінута мараў бясконца.

Без усьмешкі ня будзе цяпла,
Што ня зробіць нам электрычнасьць.
Без усьмешкі ня будзе сьвятла -
Вось такая тут акалічнасьць.

Беражыце усьмешку сваю,
Каб па ёй пасьля ня журыцца,
А яшчэ, вось што скажу:
Не забудзьцеся ёй падзяліцца! Адкрыць / каментаваць

2023-05-18 23:19:24 Час спыніўся даўно, нашы сьвечкі гараць,
На стале недапіты сьвітанак.
Надакучыла сэрцу штосьці шукаць,
Сьветлай мроі прывідны ганак.

І сярод гэтых доўгіх, халодных начэй,
Мне маўчаньнем тваім не сагрэцца.
Зьзяюць зоркі на небе мільёнам вачэй,
Нам ад іх нікуды не падзецца Адкрыць / каментаваць

2023-05-03 16:51:33 Ты ведаеш, так сумна без цябе,
І холадна пад самай цёплай коўдрай.
Заплюшчу вочы, столькі паўстае,
Маё натхненьне, ноччу той чароўнай Адкрыць / каментаваць

2023-04-19 13:51:14 Адкрыць / каментаваць

2023-04-03 16:50:41 Адкрыць / каментаваць

2023-03-05 03:05:27 Не зьбегчы, не схавацца, не ўцячы.
Ад думак, ад пытаньняў, ад сябе.
Маўчы ў натоўпе, ў полі закрычы,
Сумуй у шчасьці, радуйся у журбе.

Каторы раз сустрэліся мы зноў,
Старыя госьці - новая краіна.
І пад сьвятлом халодным ліхтароў,
Расьцягнецца маркотная гадзіна.

І зразумеш нешта, проста зразумей,
У новым дні не будзе як раней.
І падмані сябе, так лепей, так прасьцей,
Галасы ў галаве ўсё часьцей Адкрыць / каментаваць

2023-02-11 23:59:20 На хвілінку сабе я прымроіў,
Тваіх вуснаў салодкіх цяпло,
Як жаданыя словы прамовіў,
Запаліўшы ў сэрцы сьвятло.

Як жылі і кахалі ўпотай,
Як чакалі адзін аднаго,
Саграваліся ноччу пяшчотай,
Што ня ўбачыш ты ў кіно.

Толькі дні ўцякалі так хутка,
Як заўжды ўцякае жыцьцё.
Добрай ночы мая незабудка,
Мая мара, маё небыцьцё Адкрыць / каментаваць

2023-01-27 21:53:28 Узьнёслых мараў загубіўся сьлед,
Ушчэнт руйнуюцца старыя ўспаміны.
У пустым пакоі толькі я і плед,
Нямы калега на халодныя часіны.

Але калісьці прыйдзе зноў вясна,
Жыцьцём напоўніць, выправіць заганы.
Лёс пакідае шрамы не дарма,
З сабою носім усе былыя раны Адкрыць / каментаваць