Гасцёўня Маляваныча

2022-09-11 15:27:53 КАЗКІ НА БЕЛАРУСКАЙ МОВЕ
Доктар Дулітл і яго звяры, ч. 3

#КазачнаяКарусель

— — —
Сёння ў нас пост для нашых дзетак .
Мы працягваем казку «Доктар Дулітал і яго звяры» англійскага пісьменніка Х'ю Лофцінга ў перакладзе на беларускую мову, якую пачалі вам паказваць раней – прабачце нас за доўгі перапынак .

Глядзіце трэцюю частку гэтай цудоўнай казкі, дзе Маляваныч і малпачка Чычы распавядуць, нашто прыляцела ластаўка да доктара Дулітла, і ці трапяць яны ў доўгачаканую Афрыку.

Пераходзьце па спасылцы:



—
Частка 1 тут
Частка 2 тут Адкрыць / каментаваць

2022-09-07 18:15:19 Ведаеце? У Тбілісі ёсць магічнае месца! На вул. Петрыяшвілі адкрылася керамічная студыя "Kaliada"!

Чаму магічнае?
1) Вас сустрэнуць найветлівыя і абаяльныя дзяўчыны, что ладзяць майстар-класы на 8-мі мовах : грузінскай, беларускай, украінскай, рускай, польскай, іўрыце, гішпанскай.
2) Вас чакае гліна і ганчарны круг – амаль самае старажытнае рамёства чалавецтва!

Гэта рэальная магія, калі рукі дакранаюцца да дэлікатнага і мяккага "глінянага цела", і ты, як Бог, ствараеш любыя формы.

Ганчарны круг адсылае нас да нейкіх першавытокаў, быццам, мы нанова вучымся хадзіць, а душа робіцца спакойнай і радаснай!

Невыпадкова, што дзеці, па словах інструктара Машы, лягчэй навучаюцца няпростай для пачаткоўца справе. Бо яны стаяць бліжэй да "сутнасці рэчаў", чым мы...

Выраб трэба афарбаваць каляровым пігментам. Потым павінна прайсці не меней за два тыдня, каб высахла вада, каб яшчэ абпаліць яго ў печы (тэмпература 1100 градусаў).


Звярнулі ўвагу на колеры студыі? Чырвоны і белы – наша любімае спалучэнне . Адкрыць / каментаваць

2022-09-02 20:43:09 Вітаю, мае даражэнькія!

#ПраектыГасцёўні #Батлейка

— —
Усім нам зараз не хапае добрых навінаў. У мяне такая з’явілася, і хачу падзяліцца ёю з вамі

Цяпер у мяне ёсць ютуб-канал – у дадатак да тэлеграм-канала "Гасцёўня Маляваныча тут ды акаунту ў Інстаграме. Далучайцеся!

Сёння на ютубе прэм'ера – выкладзены першы ролік. Гэта спектакль “Батлейка-Шагал”, які мы стварылі гэтым летам. І, як раз для тых , хто не здолеў трапіць на нашу прэм’еру ў Тбілісі, мы запісалі яе на відэа і зараз запрашаем вас да прагляду!

Далей на нашым ютуб-канале будзем публікаваць і запісы розных імпрэз, і казкі, і забаўляльныя відэа, і… Дарэчы, а што б хацелі бачыць там вы? Пішыце ў каментарах! Адкрыць / каментаваць

2022-08-27 18:58:42 Лялечны тэатр Маляваныча ў Польшчы

— — —
#ПраектыГасцёўні #Батлейка

Вітаю! Пару тыдняў таму наведваў Польшчу: быў у Варшаве, Познані, Торуні... сустракаўся са старымі сябрамі, заводзіў новых. Было і некалькі імпрэзаў.

Так, у Познані мяне чакалі вельмі гасцінныя беларусы... Дарослыя і дзеці... Там адбылася прем'ера батлейкі з лялькамі, якія зрабіла грузінская майстарка Манана. Вось такая інтэрнацыянальная сустрэча выйшла: у Польшчы беларускія дзеткі глядзяць на лялек з Грузіі.

У нас не было батлеечнай скрыні, у якой звычайна паказваюць спектакль, і мы з мастачкай Вольгай (беларускай, якая зараз жыве у Познані) змайстравалі з двух старых валізак лялечную сцену, упрыгожылі яе зоркамі і… перад вамі сапраўдны лялечны тэатр!

Дзеці былі ў захапленні! І лялечныя артысты, якія прыляцелі з далёкага Тбілісі, таксама!

А апошняе фота – з Варшавы. Карыстаючыся тым, што я завітаў у сталіцу Польшчы, мяне запрасілі на здымкі дзіцячага ютуб-канала "Гарбатка з лімончыкам. І, дарэчы, сапраўды, налілі гарбаткі . Адкрыць / каментаваць

2022-08-20 16:10:12 Кожны, хто хоць раз спаткаўся з Людай, запамінаў яе на ўсё жыццё... А ёсць і такія, хто ніколі не бачыў яе, але праз расказы аб Людачцы казалі, што ў іх дзіўнае адчуванне нібыта яны яе ведалі...

Мне здаецца, такі след пасля сябе пакідаюць людзі, надзеленыя паўнатой тых каштоўнацяў, якіх нам усім бракуе: неабыякавасць, сапраўдная любоў да людзей, радасць жыцця, якая б'е праз край!!!

А напрыканцы яе жыцця – такая глыбіня, моц і спакой у прыняцці хваробы і сыходу… І ўсім, хто гэта бачыў, надавала ўпэўненасці, што Бог існуе, што дух, святло і Вера мацнейшыя за смерць – гэта не выдуманыя рэчы!

Люблю цябе, каханая!

Віншую з днём нараджэння і дзякую Богу, што дараваў нам цябе ведаць!!! Адкрыць / каментаваць