Пара слоў пра развіццё беларускай прамысловасці. На мінулым ты | ЭКАНОМІКА ПА-БЕЛАРУСКУ

Пара слоў пра развіццё беларускай прамысловасці. На мінулым тыдні на прапагандысцкіх рэсурсах спачатку распавялі пра планы МТЗ, а потым пра Нафтан і Мазырскі НПЗ.

На Мінскім трактарным заводзе запэўнілі, што ў 2021 г. наблізяцца да аб’ёмаў выпуску ў 35 тысяч машын. Вось толькі на піку ў 2012 г. МТЗ вырабляў ажно 70 тысяч — удвая болей.

Чыноўнік АП Крутой расказаў, што бюджэт на 2022 г. разлічаны зыходзячы з перапрацоўкі 12,5 млн т нафты, але Нафтан і Мазырскі НПЗ арыентуюцца на 16-17 млн т.

Трэба ведаць, што пікавая магутнасць абодвух заводаў сягае 24 млн т. У 2015 г. быў максімальны імпарт нафты ў Беларусь — 22,9 млн т, усе 100% з Расіі. Такім чынам, у кансерватыўным сцэнары НПЗ будуць загружаныя на палову ад магутнасцяў, у аптымістычным — на 2/3.