Мы не злачынцы. Мы проста любім Беларусь.
Сёння нашая каманда даведалася, што сацсеткі «Годна» прызналі экстрэмісцкімі. Мы не ведаем, за што і чаму, але не здзіўляемся, бо Беларусь — краіна цудаў
Мы вас любім і хочам растлумачыць наступныя моманты:
Сябраваць з намі па-ранейшаму можна. Экстрэмісцкімі прызнаныя старонкі ў сацсетках, але не нашыя ідэі, прадукты і каманда.
Для нас вельмі важна тое, што мы робім. І мы працягнем гэта рабіць.
Калі вам падабаецца наш кантэнт — натхняйцеся, бярыце нашыя ідэі і рабіце з іх свой уласны кантэнт. Без пазнакі аўтарства. Важна, каб кантэнту з любоўю да Беларусі было больш, бо мы робім годную справу.
Калі вы ў Беларусі і хвалюецеся за сваю бяспеку, вы можаце адпісацца ад нашых сацсетак. Было б цудоўна, каб вы знаходзілі спосаб адсочваць наш кантэнт, бо мы робім яго для вас.
За нас хвалявацца не трэба. Мы ў бяспецы.
Мы ўпэўнены, што пашырэнне беларускай мовы і папулярызацыя нацыянальных каштоўнасцяў — гэта Годна!
