Гаварун - мультфільмы па-беларуску

2022-07-09 10:20:21 Лета, прырода, кнігі-прыгоды і шчанюкі! Шмат шчанюкоў!!!
Пераклалі, агучылі і зрабілі файнае відэа па яшчэ адной кнізе ад Дыснэя «101 Паляўнічы на скарбы»!
Паглядзіце гісторыю, як 101 маленькі далмацінец здзейснілі выдатнае адкрыццё праз сваю цягу да капання і прыгод!


Адкрыць / каментаваць

2022-07-07 17:38:59 21-я серыя мультсерыяла «К'ю Клыпа 5»!
Сябры трэніруюцца выконваць на сваіх касмічных караблях фінты вышэйшага пілатажу, але ў Стэлы блага выходзіць праз хваляванні пра Рэя, які захварэў.


Адкрыць / каментаваць

2022-07-01 13:49:15 Вось так мы здымаем свой мультфільм у тэхніцы пластылінавага стоп-моўшн! Выкарыстоўваем некалькі тэхнік: як плоскай, так і аб'ёмнай анімацыі.

Постпрадакшн ідзе паралельна, таму хутка рыхтуемся да запісу галасоў! Адкрыць / каментаваць

2022-06-28 14:03:47 Мультсерыял «Доўгія, доўгія вакацыі» завершаны!
Чатыры гадзіны прыгод Эрнэста і Калет даступны па-беларуску!
Выдатны мультсерыял аб жыцці дзяцей у нармандскай вёсцы падчас Другой сусветнай вайны! Ён быў створаны паводле расказаў саміх дзяцей — сведак і носьбітаў тых страшных падзей. Тут прысутнічаюць захапляльныя прыгоды, небяспека, сапраўднае сяброўства, цяжар вайны і радасць вызвалення!
Плэйліст з усімі серыямі тут: bit.ly/3A9yhFH Адкрыць / каментаваць

2022-06-24 16:22:02 Расказваем, што адбываецца ў Гаваруна!
Збор фінансавання дасягнуў 100%! Шчыра дзякуем кожнаму фундатару за дапамогу праекту, а хто яшчэ не паспеў — далучайцеся, каб выходзіла болей матэрыялаў!
Як вы маглі заўважыць, мы ўжо пачалі публікаваць новыя серыі, а цяпер закрываем арганізацыйныя пытанні, каб вярнуцца да рэгулярнага графіка!
Ужо цяпер перакладаем, запісваем і ствараем тое, пра што вы прасілі і чаго яшчэ ў нас не было:
— поўнаметражны мультфільм у шматгалосцы!
— дзіцячыя песні з відэа!
— новыя серыі мультсерыялаў з любімымі героямі!
— уласны пластылінавы мультфільм!
— новыя анімаваныя аўдыякнігі!
Падпісвайцеся на канал і ўключайце апавяшчэнні, каб не прапусціць новыя відэа! Адкрыць / каментаваць

2022-06-23 13:32:56


4-я серыя мультсерыяла «Пакаё»!
Пакаё сустракае новы цікавы прадмет – тэлефон – і спрабуе разабрацца, для чаго ён патрэбны!

Дапамагчы выхаду новых мультфільмаў можна тут: https://gavarun.by/p/support Адкрыць / каментаваць

2022-06-16 18:31:26 Тата і сын запісалі для дзетак новую серыю мультфільма "Пакаё" па-беларуску! Хутка на Гаваруне! Адкрыць / каментаваць

2022-06-15 12:50:00


Увага, фінальны эпізод!
10-я серыя мультсерыяла «Доўгія, доўгія вакацыі»!
Немцы захопліваюць штаб рабінзонаў, а тым часам Супраціў атакуе нямецкую камендатуру! Нарэшце хаўруснікі высаджваюцца на ўзбярэжжы, і героі ўжо адчуваюць вецер свабоды. Але ці здолеюць Эрнэст і яго блізкія выратавацца ў віры імклівых падзей?
Дапамагчы выхаду новых мультфільмаў можна тут: https://gavarun.by/p/support Адкрыць / каментаваць

2022-06-10 13:01:44 Сябры!
Мы ўражаны вашай пазітыўнай рэакцыяй і падтрымкай Гаваруна! Дзякуй!!!
Сёння раскажам падрабязней пра падпіску і як яна працуе.
Усе відэа на канале знаходзяцца ў адкрытым доступе, а фінансаванне мы збіраем, каб ствараць новыя. Адпаведна, вы можаце дапамагчы нам, калі аформіце штомесячную падпіску на пэўную суму.
У момант падпіскі з вашай банкаўскай карткі спішацца сума, якую вы абіраеце. Пасля гэтага штомесяц сума будзе аўтаматычна спісвацца ў дзень афармлення падпіскі. Таму выбірайце зручную для вас дату.
Варыянты падпіскі і «плюшкі» тут: gavarun.by/p/support
Вы можаце ў любы момант у асабістым кабінеце прыпыніць ці выдаліць падпіску, змяніць суму ў меншы ці большы бок! А таксама змяніць тое, пазначаць вас у цітрах ці не!
Увод звестак карткі ажыццяўляецца на абароненай аўтарызацыйнай старонцы сістэмы bePaid. Звесткі банкаўскай карткі перадаюцца толькі ў зашыфраваным выглядзе і не захоўваюцца на нашым сайце.
Калі картка падтрымлівае тэхналогію 3D Secure або «Інтэрнэт Пароль», вы будзеце перанакіраваны на старонку банка, які выпусціў картку, для ўводу кода бяспекі. Адкрыць / каментаваць

2022-06-10 13:01:25 Адкрыць / каментаваць