Еўрарадыё | Еврорадио

2022-07-09 18:38:54 Уладзімір Зяленскі адправіў у адстаўку амбасадара Украіны ў Германіі Андрэя Мельніка. Ён запомніцца жорсткай крытыкай нерашучых нямецкіх уладаў.

Але самае вядомае выказванне Мельніка ўсё ж раздзьмула расійская прапаганда. Напачатку траўня 2022 года амбасадар назваў канцлера Германіі Олафа Шольца "пакрыўджанай лівернай каўбасой". Нічога крыўднага тут няма — у нямецкай мове гэта аналаг прыслоўя "На пакрыўджаных ваду возяць". Адкрыць / каментаваць

2022-07-09 18:12:52 Беларускія комікі працягваюць ладзіць у Польшчы стэндап-канцэрты на беларускай мове. Яны ўжо правялі два мерапрымствы ў Кракаве і Варшаве, а на наступным тыдні завітаюць у Беласток.

Як туды патрапіць? Усе падрабязнасці тут. Адкрыць / каментаваць

2022-07-09 17:19:50 На чэмпіянаце Расіі па цяжкай атлетыцы дзяржсцяг Беларусі паказвалі ў перавернутым выглядзе. І так працягвалася ўсе 4 дні спаборніцтваў у Хабараўску.

Фота з перавернутым дзяржсцягам выкарыстоўваліся і ў афіцыйных акаўнтах НАК Беларусі.

З бел-чырвона-белым сцягам такога б не было. Адкрыць / каментаваць

2022-07-09 16:58:49 Іх норавы — штотыднёвы агляд навінаў свету ад

Няма часу чытаць? Слухайце нас на любой зручнай платформе: taplink.cc/naviny_svietu Адкрыць / каментаваць

2022-07-09 16:25:48 Ксяндза са Смаргоні аштрафавалі за рэпосты "экстрэмісцкіх матэрыялаў". Суд над Яўгенам Учкуронісам адбыўся 8 ліпеня.

Прабашча парафіі св. Яна Паўла ІІ не сталі саджаць у ізалятар і пакаралі штрафам у 640 рублёў. Адкрыць / каментаваць

2022-07-09 15:13:44 Вайсковы грузавік (мяркуючы па ўсім, расійскі) вылецеў у кювет побач з Асіповічамі.

Фота Адкрыць / каментаваць

2022-07-09 14:43:43 Абвестка ў Глыбокім. Турма як самы зразумелы арыентыр у сучасным беларускім горадзе. Адкрыць / каментаваць

2022-07-09 14:23:42 Раман "Вятры зімы" будзе адрознівацца ад таго, што паказалі ў фінальных частках серыяла "Гульня тронаў". Пра гэта Джордж Марцін паведаміў у сваім блогу.

Па словах пісьменніка, не ўсе персанажы, якія дажылі да канца “Гульні тронаў”, дажывуць да канца “Песні лёду і полымя” і наадварот.

У кнігі “Вятры зімы” па-ранейшаму няма даты выхаду.

Фінальны сезон "Гульні тронаў", які ўжо здымаўся не па кнігам Марціна, выйшаў у 2019-м годзе. Ён быў неадназначна сустрэты і гледачамі, і крытыкамі. Адкрыць / каментаваць

2022-07-09 13:44:41 Памёр акцёр Тоні Сірыка, які сыграў Полі Галтыеры ў "Клане Сапрана". Яму было 79 год.

Сірыка зняўся ў дзясятках фільмаў, часта выконваў ролі гангстэраў. Адзін з самых вядомых фільмаў з яго ўдзелам — "Слаўныя хлопцы" Марціна Скарсэзэ. Адкрыць / каментаваць

2022-07-09 12:46:38 Беларускую валанцёрку Карыну Пацёмкіну усё-такі выдвараюць з Украіны. Пра гэта дзяўчына распавяла ў сацсетках.

Міграцыйная служба паставіла ў яе пашпарт штамп аб прымусовым выправаджэнні з краіны. Валанцёрка павінна пакінуць Украіну да 15 ліпеня. Адкрыць / каментаваць