Гэты мілы малюпас – вераб’іны сычык, самая маленькая сава Еўропы. Ён крыху большы за вераб’я – даўжынёй да 19 см.
Дзякуючы невялікім памерам займае дуплы вялікага дзятла, можа пасяліцца нават у шпакоўні.
Палюе сычык у асноўным на мышак, землярыек ды палёвак, а таксама на птушак. Часта актыўнічае днём.
Цікавы факт: на сваім участку вераб’іны сычык займае некалькі дуплаў пад кладоўкі, дзе складае свае запасы.
Вераб’іны сычык уключаны ў Чырвоную кнігу Беларусі. Для выжывання віду важна захаваць старыя хваёвыя лясы, асабліва ельнікі.
Фота: Вячаслаў Сасянкоў.
Калі ты таксама хочаш дзяліцца з намі сваімі фотаздымкамі птушак, далучайся да чату "Птушкі з фотастужкі"
t.me/ptushkafota.
